Walter William Skeat, Chaucer's Works (ed. Skeat) Vol… (1900)
“ That, what for fere of slaundre and drede of deeth, She loste bothe at-ones wit and breeth, 1815 And in a swough she lay and wex so deed, Men mighte smyten of her arm or heed; She feleth no-thing, neither foul ne fair. ”
Walter William Skeat, Chaucer's Works (ed. Skeat) Vol… (1900)
“ And lat us speke of wyves, that is best; Praise every man his owne, as him lest, And with our speche lat us ese our herte.' A knight, that highte Colatyne, up sterte, 1705 And seyde thus, 'nay, for hit is no nede To trowen on the word, but on the dede. I have a wyf,' quod he, 'that, as I trowe, Is holden good of alle that ever her knowe; (30) Go we to-night to Rome, and we shul see.' 1710 Tarquinius answerde, 'that lyketh me.' To Rome be they come, and faste hem dighte To Colatynes hous, and doun they lighte, Tarquinius, and eek this Colatyne. ”
Walter William Skeat, Chaucer's Works (ed. Skeat) Vol… (1900)
“ That Tarquin sholde y-banisht be ther-fore, And al his kin; and let the peple calle, And openly the tale he tolde hem alle, 1865 And openly let carie her on a bere Through al the toun, that men may see and here The horrible deed of her oppressioun. ”
