Ælfric

Ælfric's Lives of Saints — Of Saint Eugenia

Summary

Quotes from Ælfric's Lives of Saints — Of Saint Eugenia (Ælfric)

Ælfric,  Ælfric's Lives of Saints — Of Saint Eugenia

“ Þa becom hyre on hand þæs halgan apostoles lár ⁠024
paules þæs mæran ealles mancynnes lareoƿes.
Þá ƿearð hyre mód mycclum on-bryrd ⁠026
þuruh þá halgen lare · þeah ðe heo þá gyt hæðen ƿære.
Heo bæd þa hyre fæder  heo færen moste ⁠028
geond his hames on alexandiscre scyre ·
ƿolde sƿá cepan þære cristenra lare ·
forðan þe heo næfde on ðære byrig nænne
geleaffulne mann þe hí læren cuþe ·
forðan philippus aflygde þá cristenan
óf alexandrian · ealle on ǽr.
Hƿæt þa evgenia ardlice færde · ⁠035
oð [sic @ Skeat]  héo becóm þær ða cristenan sungen
mid mycelre blisse þus mærsigende gód. ”
Source: Wikisource

Ælfric,  Ælfric's Lives of Saints — Of Saint Eugenia

“ Hi axoden æt ƿyccum ⁊ æt ƿisum dryum · ⁠108
eac æt heora leasum godum · be þære godes þinene.
Him ƿearð þá gesǽd to soþū þinge. ⁠110
 ðá godes hí ge-gripon for hyre godnysse ·
Þá gelyfde se fæder þære leasunga ⁠112
⁊ hét asmiðigen · of smeatū golde
hyre anlycnysse · ⁊ þá ƿurðode
sƿá sƿá halige gydenan · ac hit ƿæs gold sƿá þeah.
Þa æft̅ þrym gearū · þæs þe heo gecyrred ƿæs ⁠116
geƿát se abbod þe hyre ealdor ƿæs ·
⁊ þá gebroðra sona ceosan ongunnen ·
eugenian to abbude · for hyre árfæstan life ·
⁊ nyston  heo ƿǽs ƿimman sƿa þeah. ”
Source: Wikisource

Ælfric,  Ælfric's Lives of Saints — Of Saint Eugenia

“ Ða ƿearð  mæden mycclum hoh-ful · ⁠121
hú heo æfre ƿæras ƿissian sceolde.
Ne dorste sƿá þeah hí ealle gedréfan · ⁠123
⁊ hyra geþeaht forseon · ác fæng to ðam hade.
Hƿæt ða eugenia hym eallū gebysnode ⁠125
mid goddre gedrohtnunge · tó godes þeoƿdome ·
⁊ mid cárfulnysse · þonne hyred geƿissode.
Hyre ge-uðe þá se ælmihtiga ƿealdend. ⁠128
 heo untrume menn mihte gehælan ·
sƿá hƿylcne sƿá heo geneosode licgende on sare. ”
Source: Wikisource

Common terms

Similar works

Get perspective with Kwize: daily news enlightened by great literature