Ælfric

“ Hi cƿædon ða amen · ⁊ on ðære ylcan tide⁠091
ƿearð his tunge unbunden · ⁊ he blyssigende cƿæð ·
Nis nan oþer god ón to gelyfenne ·⁠093
butan se ana þe ðes eadiga bodað ·
On þam ylcan dæge gelyfdon of þære leode on god ·⁠095
ma ðonne fif hund manna micclū þancigende gode
⁊ þam halgan ƿere · þurh þone þe hi ƿurdon onlihte ·
Rufus ƿæs gehaten sū hæðen mund-bora⁠098
þe ða burh beƿiste · ða ƿearð his dohtor seoc ·
Þa sende se fæder sona to ðā bisceope ·⁠100
⁊ sona sƿa he þyder com sƿa saƿlode  mæden ·
Hi ƿeopon ða ealle ðe þær-inne ƿæron ·⁠102
⁊ se halga ƿer cƿ̅ · to hire fæder ðus · ”

“ Hƿæt sceall hit sƿa lang-sum · efne nu is se tima ·⁠212
 ðu forlæte þine ydelnysse ⁊ lac ðā godū geoffrige ·
Appollonaris him ⁊ƿyrde ·⁠214
Ic offrige me sylfne⁠214
for minū gastlicū bearnū þe ic hér gode gestrynde ·
⁊ sƿa hƿá sƿa hine ne gebit to þam heofonlican gode ·
se bið ecelice for-demed on þā ecan fyre ·
⁊ ða ðe on god gelyfað ⁊ mid geleafan beoð gefullode ·
þa habbað þa ecean reste · ⁊ unaƿendendlice ƿelan ·
Hƿæt ða demosten deoflice ƿearð gehát-hyrt ·⁠220
⁊ betæhte þone halgan sumū hundredes ealdre
to healdenne on cƿearterne · oð he hine acƿealde · ”

“ Se dema þa het lædan þone geleaffullan bisceop⁠135
into blindum cƿearterne · ⁊ on bendū healdan ·
⁊ him ætes forƿyrnan  he sƿa ateorode ·
Ac godes engel com to þam godes men nihtes ·⁠138
⁊ hine gereordode ⁊ mid his ræde gehyrte
eallum onlocigendum · þe ðær on ymbhƿyrfte ƿæron ·
Hƿæt ða on þone feorðan dæg het se fore-sæda dema⁠141
gelædan ðone halgan on heardre racentage
feorr on ƿræc-sið · ferigende | on scipe ·
Þær ƿæs sum æðelboren man · atelice hreoflig ·⁠144
þa axode se bisceop · ƿylt ðu beon hál ·
He cƿ̅ ic ƿylle · ⁊ him andƿyrde se halga bisceop ”