“ Wā þē, Corozaim! wā þē, Bethsaida! for þām gyf on Tyro and Sydone wǣrun gedōne þā mægnu þe gedōne synt on ēow, gefyrn hī dydun dǣdbōte on hǣran and on axan. [20]
22. Đēah ic secge inc, Tyro and Sydone byþ forgifenlīcor on dōmes dæg þonne ēow. [21]
23. And þū Capharnaum, cwyst þū byst þū ūp āhafen oþ heofen? ac þū nyþer færst oþ helle; for þām gyf on Sodomum wǣron gedōne þā mægnu þe gedōne synt on þē, witodlīce hī wunedun oþ þysne dæg. ”

“ Đys [godspel] sceal on wōdnesdæg on þǣre syxtan wucan ofer pentecosten. 25. Sē Hǣlynd cwæð andswariende, Ic andytte þē, Drihten heofenes and eorþan, þū þe behȳddyst þās þing fram wīsun and glēawun, and onwruge þā lȳtlingun ”

“ Đā hī ūt ēodon, sōþlīce þā ongan sē Hǣlynd secgan be Iohanne and cwæþ tō þǣre menigeo, Hwī ēode gē ūt on wēsten gesēon winde āwegyd hrēod? [5]
8. Oððe hwī ēode gē ūt gesēon mann hnescum gyrlum gescrȳdne? Nū þā þe synt hnescum gyrlum gescrȳdde synt on cyninga hūsum. ”