“ Þā cwæð sē Hǣlend tō him, Nabbað hī nēode to farenne; sylle gē him etan. [14]
17. Þā andswarodun hig, Wē nabbað hēr būtun fīf hlāfas and twēgen fixas. [15]
18. Þā cwæð sē Hǣlend, Bringaþ mē hider þā.
19. And þā hē hēt þā menegu ofer þæt gærs hī sittan; and hē nam þā fīf hlāfas and twēgen fixas, and beseah on þone heofon, and blētsiende bræc þā hlāfas, and sealde his leorningcnihtum, and hī þām folce. [16]
20. And hī ǣton ealle and wǣron gefyllede; and hī nāmon þā lāfa, twelf wylian fulle þǣra gebrytsena. [17]
21. Sōþlīce þǣra etendra getæl wæs fīf þūsenda wera, būtan wīfum and cildum. ”

“ Đys godspel sceal in octabas Petri et Pauli. 22. And þā sōna hēt sē Hǣlend his leorningcnihtas on scyp āstīgan, and tōforan him faran ofer þone mūþan, oð þæt hē þā menegu forlēte. [19]
23. And þā hē hig forlǣten hæfde, hē ēode on þone munt, and hyne þǣr āna gebæd; sōþlīce þā hyt ǣfen wæs, hē wæs āna þǣr. [20]
24. Witodlīce wæs þæt scyp of þām ȳþum tōtorfod; for þām þe hyt wæs strang wind. [21]
25. Þā cōm sē Hǣlend embe þone fēorþan hancrēd tō him, ofer þā sǣ gangende. [22]
26. Đā hī gesāwon þæt, hī wurdon þā gedrēfede, and for þām ege clypodon and cwǣdon þus, Sōþlīce hyt ys scīnlāc. ”

“ And þā genēalǣhton [9] his leorningcnihtas, and nāmon hys līchaman, and bebyrgdon hyne, and cōmon and cȳddon hyt þām Hǣlende. [10]
13. Đā sē Hǣlend þæt gehȳrde, þā fērde hē þanon onsundron on ānum scype; and þā þā gangendan mænigeo þæt gehȳrdon, hig fyligdon him of þām burgum. [11]
14. And þā hē þanon fērde, hē geseh mycele mænigu; and hē him gemiltsode, and gehǣlde þā untruman. [12]
15. Sōðlīce þā hyt wæs ǣfen geworden, him tō genēalǣhton hys leorningcnihtas, and him tō cwǣdon, Đēos stōw ys wēste, and tīma is forð āgān; forlǣt þās mænegeo þæt hī faron intō þās burga and him mete bicgean. ”