Jean de La Fontaine

“ Messire Jean Choüart couvoit des yeux son mort,
Comme si l’on eût deu luy ravir ce tresor,
Et des regards sembloit luy dire :
Monsieur le mort j’auray de vous
Tant en argent, & tant en cire,
Et tant en autres menus cousts.
Il fondoit là dessus l’achat d’une feüillette
Du meilleur vin des environs ;
Certaine niepce assez propette,
Et sa chambriere Pâquette
Devoient avoir des cottillons.
Sur cette agreable pensée
Un heurt survient, adieu le char. ”