“ Wā ēow blindan lāttēowas! gē secgeað swā hwylc swā swereþ on temple, þæt hē ys nāht; swā hwā swā swereð on þæs temples golde, sē ys scyldig. [17]
17. Ēalā gē dysegan and blindan! hwæþer ys māre, ðe þæt gold, þe þæt templ ðe þæt gold gehālgað? [18]
18. And swā hwā swā swereþ on þām wēofode, þæt ys nāht; swā hwylc swā swereþ on þǣre offrunge þe ofer þæt wēofud ys, sē ys gyltig. [19]
19. Ēalā gē blindan! hwæþer ys māre, þe offrung, þe þæt wēofud þe gehālgað þā offrunge? [20]
20. Witodlīce sē þe swereþ on wēofude, hē swereð on him and on eallum þām þe him ofer synt. [21] {{nop} 21. ”

“ And sē þe swereð on temple, hē swereð on him and on þām þe him on eardiað. [22]
22. And sē ðe swerað on heofonan, hē sweryð on Godes þrymsetle and on þām þe ofer þæt sitt. [23]
23. Wā ēow, bōceras and Pharisei, liccetteras! gē þe tēoðiað mintan, and dile, and cymen, and gē forlēton þā þing þe synt hefegran þǣre ǣ, dōm, and mildheortnysse, and gelēafan; þās þing hyt gebyrede þæt gē dydon, and þā ōðre ne forlētun. ”

“ Ealle heora worc hig dōð þæt menn [5] hī gesēon; hig tōbrǣdaþ hyra healsbēc, and mǣrsiað heora rēafa fnadu; [6]
6. hig lufigeað þā fyrmystan setl on gebēorscypum, and þā fyrmystan lārēowsetl on gesomnungum, [7]
7. and þæt hig man grēte on strǣtum, and þæt menn hig lārēowas nemnon. [8]
8. Ne gyrne gē þæt ēow man lārēowas nemne; ān ys ēower lārēow; gē synt ealle gebrōþru. ”