Peter Alphonse

“ But if any thyng is in me that is reprehensible sey yee, and I shal hast me in yowre jugement to be corrected.' Than the philosophers saiden: 'Of any crymes in yowr body we knowe non, neither what to vs and to yow so comen we wote nat. But here nygh vs [4] dwellith suche an old man whos name is Maryne [5] whiche spekith with the holigost. ”

“ That the philosophres heryng woundred and al tho that ther weren. The iii day after the philosophers asked (f. 132) licence to go ageyn; than that Reuerent with a spirite of prophecie saide vnto hem: 'Torne ye now ageyn forwhi yowre kyng is dede, and god now ther hath set another kyng whiche shalbe a Rightful gouernour and meke to al his people and subiectis.' Suche thynges herd of the vii philosophers that com, iii of theym remayned and abode with this wise man in [the] wildernes and iiii of theym went home ageyn in to their cuntrey; whiche fonde al thynges as it was theym told and saide. ”