Peter Alphonse

“ To whom the philosopher in the straytnes tooke his seete [7] and saide: 'Knowe thow hym to the to grete abusioun to have lordship of mortal thynges and the matier of thynges bryngyng the to opteyne whiche nat with thi vertu or strength, nor stilliche thow doest it of eveene consent, but of glorious covetise as the chiernes of the thyng is thow hast don to be lawded and praised whiche that is exiled and voide of al the weight. ”

“ The kyng therfor willyng to knowe what of tho foule thynges to hym reherced wern aught feyned, to the philosopher than he went and inquiryng what the philosopher saide of hym. So as bifore vnto his meyne, so hym assured to be seruaunt of his seruauntis. The sentence of whiche wordis the kyng benyngly and with a dili- gent trust asked hym to tel and shewe. To whom the philosopher bihielde the face and chiere of his dignite lightly saide: 'Suche wil is seruaunt vnto me and to me servith and I nat to hym. ”

“ To whom he with a glad chiere [saide] : 'That ye may nat yeve me presume nat to take awey.' To that thei wrathed and hym to delaie that hym nedid wolden have compelled and out of the wey han led, lest that the eyen of men passyng by and of their lord so vile a persone shuld have offended. ”