“ If any forsoþe of breþern ben, to whom ouren displesen not, to þem ȝiueþ a saumpler, amonestende þat þe Ebrue namus, of þe whiche in þis volume is gret plente, distinctli and bi spacis þei transcryue; forsoþe no þing it profitide to han amendid bokis, but þe amending be kept bi diligence of writeris. Ne any man moue it, þat o boc is maad of vs, ne delite he in þe sweuenes of þe writen þingus wiþoute autorite of þe þridde and of þe ferþe boc ”

“ If any man forsoþe aȝen legge to vs þe seuenti remenoures, of whom þe saumpleris þe diuersete shewiþ hem to-torn and turned vpsodoun, ne forsoþe it mai not ben afermed soþ þat þat is diuers, sendeþ hym to þe euangelies, in þe whiche many þingus ben put of þe olde testament, þe whiche anent þe seuenti remenoures ben not had, as þat, For Nazare he shal ben clepid ”