“ And ȝe shuln wite, for Y sente to ȝou þis maundement, þat my couenaunt were wiþ Leuy, saiþ þe Lord of oostis. My couenaunt was wiþ hym of lijf and pees; and Y ȝaue to hym a dreed, and he dredde me, and he dredde of þe face of my name. Þe lawe of trewþe was in his mouþ, and wickidnesse is not founden in his lippis; in pees and in equitee he walkide wiþ me, and many men he turnyde awey fro wickidnesse. Forsoþe lippis of þe prest kepen science, or kunnyng, and þei shuln seeke aȝein þe lawe of þe mouþ of hem, for he is an aungel of þe Lord of oostis. ”

“ Ȝif a man shal turmente God? for ȝe to gydre fitchen me. And ȝe saiden, In what þing togidre fitchen we þee? In tyþes, and in premissis, or first fruytis, and in myseyse, or nedynesse, ȝe ben cursid; and al ȝe folk disceyuen me, and to gidre fitchen. Brenge ȝe yn eche tiþe in to my berne, þat mete be in my hous, and proue ȝe me on þis þing, saiþ þe Lord, ȝif Y shal not opne to ȝou þe gutters of heuen, and shal sheede out to ȝou blessyng, vnto aboundaunce. And Y shal blame for ȝou þe deuourynge, and he shal not corrumpe, or distruye, þe fruyte of ȝour londe ”