“ Forsoþe þe Jewis token in to a solempne custum alle þingus, þat þei hadde begunne þat time to do, and þat Mardoche in lettris hadde sent to be do. Aman forsoþe, þe sone of Amadaþi, stoc of Agag, enemy and aduersarie of Jewis, þoȝte aȝen hem euel, þat he shulde sle þem and don awei, and leide fur, þat in oure tunge is turned in to lot. And afterward Ester wente in to þe king, besechende, þat his ententis wiþ þe lettris of þe king shulden be maad voide, and þe euel, þat aȝen Jewis he hadde þoȝt, shulde be turned aȝeen in to his hed. ”

“ Wherfore þe king wroþ, and wiþ myche wodnesse tend, askide þe wise men, þat of þe kingis maner euermor weren neeȝ to hym, and dide alle þingus bi þe counseil of hem, kunnende þe lawe and þe riȝtis of more men; forsoþe þe firste and þe nexte weren Carcena, and Secaba, Admaþa, and Tharsis, and Mares, and Marsana, and Mamucha, seuene dukis of Persis and of Medis, þat seȝen þe face of þe king, and first after hym weren wont to sitten; to what sentence quen Vasþi shulden vnderlyn, þat þe heste of king Assuer, þe whiche bi geldingis he hadde sent, she wolde not do. ”

“ Paule and Eustache, þat onli han studied to gon in to þe libraries of Ebrues, and þe striues of interpretoures han knowen, holdende Ester an Ebru boc, beholdeþ bi alle þe woordis oure translacioun; þat ȝee moun knowen me no þing also to han encresid addende, but wiþ trewe witnessing simpleli, as it is had in Ebreu, þe Ebru storie to han taken to Latin tunge. Ne we desiren þe preisingus of men, ne blamingus wee dreden. Forsoþe wee besiende to plesen to God, vtterli wee drede not þe þretis of men ”

“ Þe þridde þanne ȝer of his empire he made a gret feste to alle þe princis, and to his most strong childre of Persis, and of Meedis, to þe noble men, and to þe prefectus of prouincis, beforn hym, þat he shewe þe richesses of þe glorie of his regne, and þe mykilnesse, and þe bost of his power myche tyme, an hundrid, þat is, and foure score daȝes. And whan þe daȝes of þe feste weren ful endid, he bad al þe puple þat is founde in Susys, fro þe moste vnto þe leste ”

“ And king Assuer answerde to Ester, þe quen, and to Mardoche, Jew, Þe hous of Aman I haue grauntid to Ester, þe quen, and hym I haue comaundid to be ficchid on þe cros, for he was hardi to putte hond in to þe Jewis. Þanne writeþ to þe Jewis, as it plesiþ to ȝou, in þe kingus name, selende þe lettris wiþ my ring. Forsoþe þis was þe custum, þat to þe epistolis, þe whiche of þe kingus name weren sent, and weren selid wiþ his ring, no man shulde ben hardi to wiþseyn. ”

“ Ferþermor in þe boc of Ester wee han maad an abece of red colour vnto þe eiȝþe lettre in diuers placis, willende, þat is, þe order of þe seuenti interpretoures bi þese þingus to shewen a wijs redere; we forsoþe after þe maner han leuere, and in þe making of þe seuenti remenoures, to pursue þe order of Ebrues. ”

“ Fasondaþa, Delfon, and Esfata, and Forata, and Dalia, and Aridaþa, and Efermesta, and Arisai, and Aridai, and Vaisaþa. Whom whan þei hadde slain, þei wolden not pursue praies of þe substauncis of hem. ”

“ And þer was not þat constreynede to drinke hem þat wolden not; but so þe king hadde ordeyned, befor settende sunder men of his princis to þe bord, þat eche man shulde take þat he wolde. Also Vasþi, þe quen, made a feste of wymmen in þe paleis, wher king Assuer was wont to dwelle. ”