“ Lord, in to dome þou hast putte hym, and þou groundidist hym strong, þat þou shuldist chastise. Þyn eeȝen ben cleene, see þou not yuel, and þou shalt not mow biholde to wickidnesse. Whi biholdist þou not vpon men doynge wickidly, and þou art stille, þe vnpytouse man deuourynge a more iust þan hym? And þou shalt make men as fishis of þe se, and as crepynge þing not hauynge prince. Alle in hooke he shal lifte vp; he drawide it in his nett, and gadride in to his net; vpon þis þing he shal glade, and ioye wiþ out forþ. Þerfore he shal offre to his nett, and he shal make sacrifice to his nett ”

“ Rott entre in to my boonys, and boyle, or sprynge, vndir me; and Y shal reste aȝein in þe day of tribulacioun, and Y shal stey vp to oure peple girde to gydre. Forsoþe þe fijge tree shal not florishe, and buriownyng shal not be in vyne ȝerdis; þe werk of þe olyue shal leeȝe, and feeldis shuln not brynge to mete; a sheep shal be kitt of fro þe folde, and a drooue shal not be in þe cratchis. Forsoþe Y shal haue ioye in þe Lord, and Y shal ioye wiþ outeforþ in God my Jhesu. ”

“ Biholde ȝe in heþen men, and see ȝe, and wondre ȝee, and gretely dreede ȝee; for a worke is don in ȝour days, whiche no man shal byleeue, whan it shal be told. For loo! Y shal reyse Caldeis, a bitter folk and swift, goynge vpon þe breed of erþe, þat he weelde tabernaclis not his. He is orrible, and dreedeful ”