“ Eþiopie þe strengþe þerof, and Egypt, and þer is noon eende; Affrik and Libie weren in help þerof. Bot and it in transmygracioun, or passing ouer, is led in to caitiftee; þe litil children þerof ben hirt in þe heed of alle wayes. And on þe noble men þerof þei senten lot, and alle grete men þerof ben sett togider in þe stockis. And þou þerfore shalt be drunken, and þou shalt be dispisid, and þou shalt seeke help of enmy. Alle þi strengþis as a fijge tree, wiþ his vnripe fijgis; ȝif þei shuln be smyten to gydre, þei shuln falle in to þe mouþ of þe etynge. Loo! þi peple wymmen in þe mydil of þee ”

“ He shal make eend; double tribulacioun shal not ryse to gydre. For as þornys biclippen hem to gydre, so þe feest of hem drynkynge to gydre shal be eendid, as stoble ful of drynesse. Forsoþe of þee shal go out þe þynkynge malice aȝeinus þe Lord, in soule, or mynde, tretynge trespassyng. ”

“ Þe Lord good, and coumfortynge in þe day of tribulacioun, and he knowynge men hoopynge in hym. And in grete floode passynge by, he shal make eende of his place; and dercnessis shuln pursue his enmyes. ”