| editor

Name: The Exeter Book — Christ A, B, C
Author: | editor

The Exeter Book — Christ A, B, C (1995)

Summary

“The Exeter Book — Christ A, B, C”, published in 1995, is a work by | editor. It explores elements such as þæt, ofer and þonne.

Quotes from The Exeter Book — Christ A, B, C (| editor)

| editor, The Exeter Book — Christ A, B, C (1995)

“ Onginneð þonne to þam yflum ungelice
wordum mæðlan þe him bið on þa wynstran hond,
þurh egsan þrea, alwalda god.
1365 Ne þurfon hi þonne to meotude miltse gewenan,
lifes ne lissa, ac þær lean cumað
werum bi gewyrhtum worda ond dæda,
reordberendum; sceolon þone ryhtan dom
anne geæfnan, egsan fulne.
1370 Bið þær seo miccle milts afyrred
þeodbuendum, on þam dæge,
þæs ælmihtigan, þonne he yrringa
on þæt fræte folc firene stæleð
laþum wordum, hateð hyra lifes riht
1375 ondweard ywan þæt he him ær forgeaf
syngum to sælum. ”

[↩︎]

Source: Wikisource

| editor, The Exeter Book — Christ A, B, C (1995)

“ On werigum sefan
geseoð sorga mæste, hu se sylfa cyning
mid sine lichoman lysde of firenum
1210 þurh milde mod, þæt hy mostun manweorca
tome lifgan, ond tires blæd
ecne agan. Hy þæs eðles þonc
hyra waldende wita ne cuþon;
forþon þær to teonum þa tacen geseoð
1215 orgeatu on gode, ungesælge,
þonne Crist siteð on his cynestole,
on heahsetle, heofonmægna god,
fæder ælmihtig. Folca gehwylcum
scyppend scinende scrifeð bi gewyrhtum,
1220 eall æfter ryhte rodera waldend. ”

[↩︎]

Source: Wikisource

| editor, The Exeter Book — Christ A, B, C (1995)

“ Hlemmeð hata leg, heofonas berstað,
trume ond torhte, tungol ofhreosað.
þonne weorþeð sunne sweart gewended
935 on blodes hiw, seo ðe beorhte scan
ofer ærworuld ælda bearnum;
mona þæt sylfe, þe ær moncynne
nihtes lyhte, niþer gehreoseð
ond steorran swa some stredað of heofone,
940 þurh ða strongan lyft stormum abeatne.
Wile ælmihtig mid his engla gedryht,
mægencyninga meotod, on gemot cuman,
þrymfæst þeoden. Bið þær his þegna eac
hreþeadig heap. Halge sawle
945 mid hyra frean farað, þonne folca weard
þurh egsan þrea eorðan mægðe
sylfa geseceð. ”

[↩︎]

Source: Wikisource

| editor, The Exeter Book — Christ A, B, C (1995)

“ Opene weorþað
ofer middangeard monna dæde.
Ne magun hord weras, heortan geþohtas,
fore waldende wihte bemiþan.
Ne sindon him dæda dyrne, ac þær bið dryhtne cuð
1050 on þam miclan dæge, hu monna gehwylc
ær earnode eces lifes,
ond eall ondweard þæt hi ær oþþe sið
worhtun in worulde. Ne bið þær wiht forholen
monna gehygda, ac se mæra dæg
1055 hreþerlocena hord, heortan geþohtas,
ealle ætyweð. ær sceal geþencan
gæstes þearfe, se þe gode mynteð
bringan beorhtne wlite, þonne bryne costað,
hat, heorugifre, hu gehealdne sind
1060 sawle wið synnum fore sigedeman. ”

[↩︎]

Source: Wikisource

| editor, The Exeter Book — Christ A, B, C (1995)

“ Bið þonne rices weard reþe ond meahtig,
yrre ond egesful. Ondweard ne mæg
on þissum foldwege feond gebidan.
1530 Swapeð sigemece mid þære swiðran hond
þæt on þæt deope dæl deofol gefeallað
in sweartne leg, synfulra here
under foldan sceat, fæge gæstas
on wraþra wic, womfulra scolu
1535 werge to forwyrde on witehus,
deaðsele deofles. Nales dryhtnes gemynd
siþþan gesecað, synne ne aspringað,
þær hi leahtrum fa, lege gebundne,
swylt þrowiað. Bið him synwracu
1540 ondweard undyrne; þæt is ece cwealm. ”

[↩︎]

Source: Wikisource

| editor, The Exeter Book — Christ A, B, C (1995)

“ Hell eac ongeat,
1160 scyldwreccende, þæt se scyppend cwom,
waldende god, þa heo þæt weorud ageaf,
hloþe of ðam hatan hreþre. Hyge wearð mongum blissad,
sawlum sorge toglidene. Hwæt, eac sæ cyðde
hwa hine gesette on sidne grund,
1165 tirmeahtig cyning; forþon he hine tredne him
ongean gyrede, þonne god wolde
ofer sine yðe gan. ”

[↩︎]

Source: Wikisource

| editor, The Exeter Book — Christ A, B, C (1995)

“ Is þæt frecne stream
yða ofermæta þe we her on lacað
855 geond þas wacan woruld, windge holmas
ofer deop gelad. Wæs se drohtað strong
ærþon we to londe geliden hæfdon
ofer hreone hrycg. þa us help bicwom,
þæt us to hælo hyþe gelædde,
860 godes gæstsunu, ond us giefe sealde
þæt we oncnawan magun ofer ceoles bord
hwær we sælan sceolon sundhengestas,
ealde yðmearas, ancrum fæste. ”

[↩︎]

Source: Wikisource

| editor, The Exeter Book — Christ A, B, C (1995)

“ Sceadu beoð bidyrned
þær se leohta beam leodum byrhteð.
1090 þæt þeah to teonum geteod weorþeð,
þeodum to þrea, þam þe þonc gode
womwyrcende wita ne cuþun,
þæs he on þone halgan beam ahongen wæs
fore moncynnes manforwyrhtu,
1095 þær he leoflice lifes ceapode,
þeoden moncynne, on þam dæge,
mid þy weorðe, þe no wom dyde
his lichoma leahtra firena,
mid þy usic alysde. þæs he eftlean wile
1100 þurh eorneste ealles gemonian,
ðonne sio reade rod ofer ealle
swegle scineð on þære sunnan gyld. ”

[↩︎]

Source: Wikisource

| editor, The Exeter Book — Christ A, B, C (1995)

“ Nu we sceolon georne gleawlice þurhseon
usse hreþercofan heortan eagum,
innan uncyste. We mid þam oðrum ne magun,
1330 heafodgimmum, hygeþonces ferð
eagum þurhwlitan ænge þinga,
hwæþer him yfel þe god under wunige,
þæt he on þa grimman tid gode licie,
þonne he ofer weoruda gehwylc wuldre scineð
1335 of his heahsetle hlutran lege. ”

[↩︎]

Source: Wikisource

| editor, The Exeter Book — Christ A, B, C (1995)

“ Nu we hyhtfulle hælo gelyfað
120 þurh þæt word godes weorodum brungen,
þe on frymðe wæs fæder ælmihtigum
efenece mid god, ond nu eft gewearð
flæsc firena leas, þæt seo fæmne gebær
geomrum to geoce. God wæs mid us
125 gesewen butan synnum; somod eardedon
mihtig meotudes bearn ond se monnes sunu
geþwære on þeode. ”

[↩︎]

Source: Wikisource

| editor, The Exeter Book — Christ A, B, C (1995)

“ Is þæt wide cuð
þæt ic of þam torhtan temple dryhtnes
onfeng freolice fæmnan clæne,
womma lease, ond nu gehwyrfed is
þurh nathwylces. Me nawþer deag,
190 secge ne swige. Gif ic soð sprece,
þonne sceal Dauides dohtor sweltan,
stanum astyrfed. Gen strengre is
þæt ic morþor hele ”

[↩︎]

Source: Wikisource

| editor, The Exeter Book — Christ A, B, C (1995)

“ He bið þam yflum egeslic ond grimlic
to geseonne, synnegum monnum,
920 þam þær mid firenum cumað, forð forworhte.
þæt mæg wites to wearninga þam þe hafað wisne geþoht,
þæt se him eallunga owiht ne ondrædeð,
se for ðære onsyne egsan ne weorþeð
forht on ferðe, þonne he frean gesihð
925 ealra gesceafta ondweardne faran
mid mægenwundrum mongum to þinge,
ond him on healfa gehwone heofonengla þreat
ymbutan farað, ælbeorhtra scolu,
hergas haligra, heapum geneahhe.
930 Dyneð deop gesceaft, ond fore dryhtne færeð
wælmfyra mæst ofer widne grund. ”

[↩︎]

Source: Wikisource

| editor, The Exeter Book — Christ A, B, C (1995)

“ Ic þec ofer eorðan geworhte, on þære þu scealt yrmþum lifgan,
wunian in gewinne ond wræce dreogan,
feondum to hroþor fusleoð galan,
ond to þære ilcan scealt eft geweorþan,
625 wyrmum aweallen, þonan wites fyr
of þære eorðan scealt eft gesecan. ”

[↩︎]

Source: Wikisource

| editor, The Exeter Book — Christ A, B, C (1995)

“ Hafað se awyrgda wulf tostenced,
deor dædscua, dryhten, þin eowde,
wide towrecene. þæt ðu, waldend, ær
blode gebohtes, þæt se bealofulla
260 hyneð heardlice, ond him on hæft nimeð
ofer usse nioda lust. ”

[↩︎]

Source: Wikisource

| editor, The Exeter Book — Christ A, B, C (1995)

“ Ne þæt ænig mæg oþrum gesecgan
mid hu micle elne æghwylc wille
þurh ealle list lifes tiligan,
feores forhtlice, forð aðolian,
1320 synrust þwean ond hine sylfne þrean,
ond þæt wom ærran wunde hælan,
þone lytlan fyrst þe her lifes sy,
þæt he mæge fore eagum eorðbuendra
unscomiende eðles mid monnum
1325 brucan bysmerleas, þendan bu somod
lic ond sawle lifgan mote. ”

[↩︎]

Source: Wikisource

| editor, The Exeter Book — Christ A, B, C (1995)

“ Gesawan wuldres þrym,
æþelinga ord, eðles neosan,
beorhtra bolda. þa wearð burgwarum
eadgum ece gefea æþelinges plega.
þus her on grundum godes ece bearn
745 ofer heahhleoþu hlypum stylde,
modig æfter muntum. Swa we men sculon
heortan gehygdum hlypum styllan
of mægne in mægen, mærþum tilgan
þæt we to þam hyhstan hrofe gestigan
750 halgum weorcum, þær is hyht ond blis,
geþungen þegnweorud. Is us þearf micel
þæt we mid heortan hælo secen,
þær we mid gæste georne gelyfað
þæt þæt hælobearn heonan up stige
755 mid usse lichoman, lifgende god. ”

[↩︎]

Source: Wikisource

| editor, The Exeter Book — Christ A, B, C (1995)

“ Grundas swelgað godes ondsacan,
lacende leg laðwende men,
1595 þreað þeodsceaþan, ond no þonan læteð
on gefean faran to feorhnere,
ac se bryne bindeð bidfæstne here,
feoð firena bearn. Frecne me þinceð
þæt þas gæstberend giman nellað,
1600 men on mode, þonne man fremmað,
hwæt him se waldend to wrace gesette,
laþum leodum. þonne lif ond deað
sawlum swelgað. Bið susla hus
open ond oðeawed, aðlogum ongean,
1605 ðæt sceolon fyllan firengeorne men
sweartum sawlum. þonne synna to wrace
scyldigra scolu ascyred weorþeð
heane from halgum on hearmcwale. ”

[↩︎]

Source: Wikisource

| editor, The Exeter Book — Christ A, B, C (1995)

“ Wel þe geriseð
þæt þu heafod sie healle mærre,
5 ond gesomnige side weallas
fæste gefoge, flint unbræcne,
þæt geond eorðb... ...g eall eagna gesihþe
wundrien to worlde wuldres ealdor.
Gesweotula nu þurh searocræft þin sylfes weorc,
10 soðfæst, sigorbeorht, ond sona forlæt
weall wið wealle. Nu is þam weorce þearf
þæt se cræftga cume ond se cyning sylfa,
ond þonne gebete, nu gebrosnad is,
hus under hrofe. He þæt hra gescop,
15 leomo læmena; nu sceal liffrea
þone wergan heap wraþum ahreddan,
earme from egsan, swa he oft dyde. ”

[↩︎]

Source: Wikisource

| editor, The Exeter Book — Christ A, B, C (1995)

“ Ond eac þa ealdan wunde ond þa openan dolg
on hyra dryhtne geseoð dreorigferðe,
swa him mid næglum þurhdrifan niðhycgende
1110 þa hwitan honda ond þa halgan fet,
ond of his sidan swa some swat forletan,
þær blod ond wæter bu tu ætsomne
ut bicwoman fore eagna gesyhð,
rinnan fore rincum, þa he on rode wæs.
1115 Eall þis magon him sylfe geseon þonne,
open, orgete, þæt he for ælda lufan,
firenfremmendra, fela þrowade.
Magun leoda bearn leohte oncnawan
hu hine lygnedon lease on geþoncum,
1120 hysptun hearmcwidum, ond on his hleor somod
hyra spatl speowdon. ”

[↩︎]

Source: Wikisource

| editor, The Exeter Book — Christ A, B, C (1995)

“ We mid þyslice þreate willað
ofer heofona gehlidu hlaford fergan
to þære beorhtan byrg mid þas bliðan gedryht,
520 ealra sigebearna þæt seleste
ond æþeleste, þe ge her on stariað
ond in frofre geseoð frætwum blican.
Wile eft swa þeah eorðan mægðe
sylfa gesecan side herge,
525 ond þonne gedeman dæda gehwylce
þara ðe gefremedon folc under roderum."
ða wæs wuldres weard wolcnum bifongen,
heahengla cyning, ofer hrofas upp,
haligra helm. Hyht wæs geniwad,
530 blis in burgum, þurh þæs beornes cyme. ”

| editor

Summary

Quotes from The Exeter Book — Christ A, B, C (| editor)

Common terms

Similar works

Get perspective with Kwize: daily news enlightened by great literature