| editor, The Exeter Book — The Phoenix (1995)
“ God ana wat, cyning ælmihtig, hu his gecynde bið, wifhades þe weres; þæt ne wat ænig monna cynnes, butan meotod ana, hu þa wisan sind wundorlice, 360 fæger fyrngesceap, ymb þæs fugles gebyrd. þær se eadga mot eardes neotan, wyllestreama wuduholtum in, wunian in wonge, oþþæt wintra bið þusend urnen. þonne him weorþeð 365 ende lifes; hine ad þeceð þurh æledfyr. Hwæþre eft cymeð aweaht wrætlice wundrum to life. ”
| editor, The Exeter Book — The Phoenix (1995)
“ Ne mæg þær ren ne snaw, 15 ne forstes fnæst, ne fyres blæst, ne hægles hryre, ne hrimes dryre, ne sunnan hætu, ne sincaldu, ne wearm weder, ne winterscur wihte gewyrdan, ac se wong seomað 20 eadig ond onsund. Is þæt æþele lond blostmum geblowen. Beorgas þær ne muntas steape ne stondað, ne stanclifu heah hlifiað, swa her mid us, ne dene ne dalu ne dunscrafu, 25 hlæwas ne hlincas, ne þær hleonað oo unsmeþes wiht, ac se æþela feld wridað under wolcnum, wynnum geblowen. ”
| editor, The Exeter Book — The Phoenix (1995)
“ Heafelan lixað, 605 þrymme biþeahte. ðeodnes cynegold soðfæstra gehwone sellic glengeð leohte in life, þær se longa gefea, ece ond edgeong, æfre ne sweþrað, ac hy in wlite wuniað, wuldre bitolden 610 fægrum frætwum, mid fæder engla. Ne bið him on þam wicum wiht to sorge, wroht ne weþel ne gewindagas, hungor se hata ne se hearda þurst, yrmþu ne yldo. Him se æþela cyning 615 forgifeð goda gehwylc. þær gæsta gedryht hælend hergað ond heofoncyninges meahte mærsiað, singað metude lof. ”
