Ælfric

“ Þonne ƿe us gebiddað mid byle-ƿitum mode⁠060
þonne sprece ƿe soðlice to gode sylfum sƿa ·
And [sic @ Skeat] þonne ƿe béc rædað oððe rædan gehyrað ·⁠062
þonne sprecð god to us þurh þa gastlican rædincge ·
Se man mot hine gebiddan sƿa sƿa he mæg ⁊ cann ·⁠064
forðan þe se ælmihtiga god cann ælc gereord tocnaƿan ·
⁊ on ælcere stoƿe man mot mærsian his drihten ·
⁊ hine gebiddan beo þærþær he beo. ”

“ Eadig bið se man seðe gemet ƿisdom ·⁠322
forðan þe se ƿisdom is selra þone scinende gold ·
⁊ he ana is deorƿurðra þonne ða dyran maðmas ·
 is se ƿisdom  man ƿislice libbe ·⁠325
⁊ his dæda gefadige to his drihtnes ƿillan ·
 he edlean underfo · on ðam ecan life
mid ðam ælmihtigan gode · þe on ecnysse rixað. ”

“ Moyses hæfde sige ⁊ mycelne fultum ·⁠038
þa hƿile þe he heold his handa on ge-bedum ·
⁊ his ƿilla ne ateorode ac se ƿerige lichama ·
Nu habbe ƿe geƿinn ƿið þone hete|lan deofol ·⁠041
⁊ he ƿinð on ús forðan þe he ƿælhreoƿ is ·
hu bið þonne gif ƿe nellað to þam hælende clypian ·
þonne moyses ƿerignyss ne mihte beon beladod ·
Ƿitodlice bið ofer-sƿiðed þurh þone sƿicolan deofol ·⁠045
seðe nele clypian crist him to fultume · ”