“ And soþeli reproue ȝe þes men demyd, forsoþe saue ȝe hem, rauyschinge of þe fijr. Soþeli do ȝe mersy to oþere in drede of God, hatynge and þe ilke defoulid coote, þe which is fleschly. Forsoþe to him þat is myȝty for to kepe to gydere ȝou wiþ oute synne, and for to ordeyne bifore þe siȝt of his glorye ȝou vnwemmyd in gladinge, or ioyinge wiþ oute forþ, in þe comynge of oure Lord Jhesu Crist, to God aloone oure sauyour, bi Jhesu Crist oure Lord, glorye, and magnyfiyng, empire, or greet lordschip, and power, bifore alle worldis, and in to alle worldlis of worldlis. ”

“ Soþeli what euere þinges þei han knowe kyndely as doumbe beestis, in þes þei ben corupt. Wo to hem þat wenten þe weye of Caym, and bi errour of Balaam for meede ben shed out, and perischiden in þe aȝen seiynge of Chore. ”