“ Joie ȝe in Crist, and eschewe ȝe men defoulid in lucre, eiþer foul wynnyng. Be alle ȝoure askyngis open anentis God, and be ȝe stidefast in þe witt of Crist. And do ȝe þo þingis þat ben hool, and trewe, and chaast, and iust, and able to be loued; and kepe ȝe in herte þo þingis þat ȝe haue herd and take; and pees schal be to ȝou. Alle holi men greten ȝou weel. Þe grace of oure Lord Jhesu Crist be wiþ ȝoure spirit. And do ȝe þat pistil of Colocensis to be red to ȝou.
Here eendiþ þe pistil to Laodicensis, and bigynneþ a prolog on þe firste pistil to Tessalonicensis. ”

“ And his mercy schal do in ȝou þe same þing, þat ȝe moun haue þe same loue, and þat ȝe be of oo will. Þerfore, ȝe weel biloued briþeren, holde ȝe, and do ȝe in þe dreede of God, as ȝe han herde þe presence of me; and lijf schal be to ȝou wiþouten eende. Soþeli it is God þat worchiþ in ȝou. ”