Anonymous, Le songe doré de la pucelle
“ Pucelle nette craint venin Toute ordure et corrupcion Affin que par communion Ne se puist trouver entachee Blanche couleur est tost tachee Amours Je ne sauroye tant prescher Mais aime bien se tu m'en croys Vers moy tu te doys adresser Par le dieu qui pend en la croix Ja bien n'auras se ne me croys Ne plaisance en jour de ta vie Aimer autruy n'est pas envie ”
Anonymous, Le songe doré de la pucelle
“ Chascun scet bien ce n'est pas bourde Que pucelle qui n'a amy Toute sa vie est sotte et lourde Et ne scet ne bien ne demy Et tousjours a l'ueil endormy Sans peu de contenance avoir C'est belle chose que savoir Honte Savoir pucelle sobrement Doit sans vouloir estre suttile C'est sa nature proprement Ou faillir pourroit cop et quille Tout ne vault pas une coquille Quant de languager s'entremet Qui trop parle mensonge y met ”
Anonymous, Le songe doré de la pucelle
“ A jenne pucelle appartient D'estre frisque joyeuse et gente Et quant en ce point se maintient C'est noblesse qui la regente De ce ne doit estre indigente Dance et vole com une aronde On n'a que sa vie en ce monde Honte Las avise se tu t'assers Tu seras une esservellee Teste levee com ung sers De tout le monde ravallee Soyes en maniere attellee Tousiours simple et coye te tien En pucelle n'a que maintien Amours Aime ma fille car sans faille Tu peux aimer secretement En bien et honneur. ”
