“ Alle þingus after þe lawe of God be don to þe heiȝeste God, lest parauenture rise vp wraþe in þe reume of þe king, and of þe sone, and of þe sones of hym. To ȝou forsoþe is seid, þat to alle þe prestis, and Leuitus, and holi singeres, and seruauns of þe temple, and scribis of þis temple, no tribute, ne any oþer forfending be born to, ne haue any man power to aȝen casten any þing to hem. Þou forsoþe, Esdras, aftir þe wisdam of God ordeine domesmen and arbitrouris, in al Cirie and Fenice, and alle þat þe lawe of þi God knewen, teche ”

“ Wicked king, wicked wymmen, and wicked alle þe sonis of men, and wicked alle þe werkis of hem, and þer is not in hem treuþe, and in þer wickednessis þei shuln pershen; and treuþe dwelliþ, and waxeþ in to wiþ oute ende, and liueþ, and weldeþ, in to worldis of worldis. And to taken persones and differencis is not anent it; but þoo þingis þat ben riȝtwis it doþ, to alle vnriȝtwise and euele men; and alle men ben maad benigne in his werkis. ”

“ Forsoþe a cumpanye was singende wrshipefulli in trumpe, so þat afer it was herd. And þe enemis herden þe linagis of Juda and of Beniamyn, and camen to wite, what was þe vois of þe trumpes. And þei knewen, for þei þat weren of þe caitifte bilden þe temple to þe Lord God of Irael. And comende neeȝ to Sorobabel, and to Jesu, and to þe prouostis of tounus, seiden to hem, Wee shul bilde togidere wiþ ȝou. Lic maner forsoþe wee han herd of oure Lord, and we togidere han go fro þe daȝes of Asbasareþ, king of Assiries, þat wente ouer hennus. ”

“ Alle forsoþe goldene vesselis and siluerene, four þousend foure hundrid and eiȝte and sixti. And þei ben deliuerd out to Salmanasar, togidere wiþ hem, þat of þe caytifte of Babiloine weren comen in to Jerusalem. Forsoþe in þe times of Artaxerses, king of Persis, writen to hym, of þese þat dwelten in Jude and in Jerusalem, Balsamus, and Mitridatus, and Sabellius, and Ratinius, Balteneus, Samelius, scribe, and oþere dwellende in Samarie, and in oþere placis, þe vnderset lettre to king Artaxersi. ”

“ And whan honourende Esdras knoulechede, wepende, falle doun to þe erþe befor þe temple, ben gedered beforn hym of Jerusalem a ful gret cumpanye, men, and wemmen, and ȝunge men, and ȝunge wymmen; forsoþe þe weping was gret in þat multitude. And whan Jechonias, þe sone of Jeeli, of þe sonus of Irael, hadde cried, Esdras seide, Wee han synned aȝen þe Lord, þat wee han sett wiþ vs in to matrimoyne heþene wymmen, of þe Jentilis of þe lond. And now who so euere is ouer al Irael in þese þingus, be þer to vs an oþ of þe Lord, to putten awei alle oure wiues, þat of þe heþene ben, wiþ þer sonus ”

“ And of þoo prouostis bi tounus, whil þei shulden come in to þe temple of God, þat was in Jerusalem, to ben auouwid to rere þe temple in his place, after þer vertue; and to be ȝiue in to þe temple þe holi tresorie of werkis, eleue þousend besauns, and prestis stolis an hundrid. And þer dwelten prestus, and Leuitus, and þat weren of þe folc in Jerusalem, and in þe regioun; and þe holi singeres, vssheris, and al Irael, in þer regiouns. ”

“ And of Irael, of þe sonus of Forchosi, and Remias, and Jeddias, and Melchias, and Michelus, and Eliasarus, and Jemebias, and Bannas. And of þe sonis of Jolamani, Anias, and Zacharias, Jerselus, and Jobdius, and Erimoþ, and Elias. And of þe sonus of Sachon, Eliadas, and Eliasumus, and Oþias, and Jarimoþ and Zabdis, and Thebedias. And of þe sones of Bede, Johannes, and Amanyas, and Zabdias, and Emetis. And of þe sonis of Baum, Olamus, and Mallucus, and Jeddeus, and Jasub, and Azabus, and Jerimoþ. ”

“ And he wrot to alle þe Jewis, þat steȝeden vp fro þe reume in Jude, for fredam, alle myȝti man, and maister iuge, and prefect, to not comen ouer to þe ȝatus of hem, and eche regioun, þat þei hadden weldid, to be free fro hem; and Idumeis laften þe castelis, þat þei weldeden of þe Jewis, and in to þe making of þe temple to ȝiue bi ȝeris twenti talentis, vnto þe time þat it be ful bildid; and to offren ostis eche dai vp on þe place of sacrid þingus, as þei han heste; oþere ten talentus to offren bi alle ȝeris ”