“ Aþersaþa ȝaf in to þe tresorie, of gold, dragmys a þousend, fifty violis, prestus cotus fiue hundrid and þretti. And of þe princis of þe meines þer ȝeuen in to þe tresorie of þe werk, of gold, dragmis twenti þousend, and of siluer, two þousend besauntus and two hundrid. And þat þat ȝaf þe toþer puple, of gold, dragmis twenti þousend, and of siluer, besauntus two þousend, and prestus cotus sixti and seuenn. Forsoþe þe prestus, and Leuitus, and þe porteris, and singeris, and þe toþer comun, and þe sodeknys, and al Irael dwelten in þer cites. ”

“ Sellum, þe sone of Mosollam, þe sone of Joadi, þe sone of Sadaia, þe sone of Cholaia, þe sone of Maisia, þe sone of Eþel, þe sone of Saia; and aftir hym Gabai, Sellai, nyne hundrid and eiȝte and twenti; and Joel, þe sone of Secry, þe prouost of hem, and Judas, þe sone of Sennua, vpon þe cite þe secunde. And of þe prestis; Idaia, þe sone of Joarib, Jachim, Saraia, þe sone of Elchie, þe sone of Mosollam, þe sone of Sadoch, þe sone of Meraioþ, þe sone of Achitob, princis of þe hous of God, and þe breþern of hem, doende þe werkis of þe temple ”

“ And I seide to þe most wrshipeful men, and to þe maister iugis, and to þe toþer part of þe comun, A gret werc it is, and brod, and we ben seuered in þe wal aferr, an oþer fro an oþer; in what euere place ȝee shul here þe criyng of þe trumpe, þider renneþ togidere to vs; forsoþe oure God shal fiȝte for vs. And we vsself shul make þe werk, and þe half part of vs holde speris, fro þe steȝing vp of þe morutid to þe time þat þe sterris gon out. Also þat time I seide to þe puple, Eche wiþ his child dwelle in þe middel of Jerusalem, and be þer to ȝou whilis by nyȝt and dai to werken. ”

“ And certus in manie Jentilis was þer no king of Irael lic hym, and he was derworþe to his God, and hys God sette hym king vpon al Irael, and hym þanne ladden to synne aliene wymmen. Wheþer and wee vnbuxhum shul don al þis grete euel, þat wee trespasen in þe Lord oure God, and wedden straunge wiues. Of þe sonus forsoþe of Joiada, sone of þe grete prest, Eliazib, sone in lawe was Sanaballaþ Oronite, whom I drof fro me. Recorde þou, Lord my God, aȝen hem, þat defoulen presþod, and þe prestus and Leuitus riȝt. ”

“ And Aþersaþa seide to þem, þat þei shulden not eten of þe holi þingus of halewis, to þe time þat þer rijse a taȝt and lerned prest. Al þe multitude as o man, two and fourti þousend þre hundrid and sixti, wiþ oute þe seruauns and þe hand wymmen of hem, þat weren seuen þousend þre hundrid and seuene and þretti ”

“ Þe puplis forsoþe of þe lond, þat bringen in chaffaris, and alle þingus to vsen bi þe dai of sabot, þat þei selle, wee shul not taken of hem in þe sabot, and in þe halewid dai; and wee shuln forȝiue þe seuenþe ȝer, and exaccioun of alle hond. ”