“ Ochosie. Bot Hieu bente þe bowe wiþ þe honde, and smote Joram bytwene þe schulders, and þe arewe is sent out þoruȝ his hert; and anoon he felle in his chaare. And Hieu seiþ to duyke Badachar, Take, þrowe hym in þe feelde of Naboþ Jezraelite; I haue mynde forsoþe, when I and þow syttynge in þe chaar foloweden Achab, his fadir, for þe Lord hadde rerede out þis charge upon hym, seyinge, Wheþer not for þe blode of Naboþ, and for þe blode of þe sonys of hym, þe whiche I sawe ȝisterday, seiþ þe Lord, I schal ȝelden to þee in þis feeld, seiþ þe Lord. ”

“ Wheþer hopist þou in þe reeden staf and broken, Egipt, vpon whiche ȝif a man lene, to-broken it schal goon in to his hond, and þrillen it? So is Pharao, þe kyng of Egipt, to alle þat trusten in hym. And ȝif þou seist to me, In þe Lord oure God we han trust; wheþer not he is, of whome Ezechie toke aweye þe heeȝe þingis and þe auters, and comaundide to Jude and to Jerusalem, Beforn þis auter ȝe schuln honouren in Jerusalem? Nowe þanne gooþ to my lord, king of Assiries, and I schal ȝeue to ȝou two þousand of hors, and seeȝiþ, wheþer ȝe mown han steyȝers vpon hem? ”

“ Þe which þing whanne þe kyng hade herde, he kutt his cloþis, and passede by þe wall; and alle þe puple sawe an hayre, wiþ whiche þe kyng was cloþid at þe flesch wiþ in forþe. And þe kynge seiþ, Þes þingis do to me God, and þes þingis adde, ȝif þe heued of Helisee, þe sone of Saphaþ, schulde stonden vpon hym to day. Helisee forsoþe satt in his hous, and olde men seeten wiþ hym; and so he sente beforn a man, and er þe messager came, he seide to þe old men, Wheþer ȝe knowen, þat þe sone of a man sleere haþ sente hiþir, þat myn heued be gyrd off? ”

“ Joachym forsoþe he translatyde in to Babyloyne, and þe kyngis modir, and þe kyngis wijf, and þe kyngis geldyngis; and þe domysmen of þe lond he ladde in to caytifte fro Jerusalem in to Babiloyne; and alle þe stronge men, seuen þousand; and craftise men and enclosers, a þousand; alle stronge men and fiȝters; and þe kynge of Babiloyne ladde hem caytyfe in to Babyloyne. And he sette Maþaþiam, his vncle, for hym; and he putte on a name to hym Sedechie. Þe oon and twentiþe ȝeer of age hadde Sedechias, whanne he hadde begunne to regnen, and elleuen ȝeer he regnede in Jerusalem ”

“ And þe kynge askyde þe womman, þe whiche tolde to hym þo þingis to be soþ. And þe kyng ȝaue to hyre an geldynge, seiynge, Restore to hyre alle þingis þat ben hyres, and alle þe rentes of feeldis, fro þe day þat sche laft þe lond vnto þe tyme þat is nowe. Forsoþe Helisee cam to Damask, and Benadab, kyng of Cyrye, wexe seeke; and þei tolden to hym, seyinge, Þe man of God is commen hydre. And þe kyng seiþ to Asael, Take wiþ þee ȝiftis, and goo in to aȝein commynge of þe man of God, and counseyle by hym þe Lord, seyinge, Ȝif I schal mow ascapen of þis myn enfirmyte? ”

“ Þan Hieu wrote lettris, and sente in to Samarye to þe best of þe cytee, and to þe more þoruȝ birþ, and to þe nurischis of Achab, seyinge, Anoon as ȝe taken þes lettres, ȝe þat haue þe sonis of ȝoure lord, and chaaris, and hors, and stronge cytees, and aarmys, chesiþ þe beter, and hym þat to ȝou schal plesen of þe sonis of ȝour lord, and puttiþ hym vpon þe see of his fadir, and fiȝtiþ for þe hous of ȝoure lord. ”

“ Capitulum V. Naaman, þe prince of chyualrye of þe kyng of Cyrye, was a grete man anentis his lord, and a wirschipide; by hym forsoþe þe Lord ȝaue helþ to Cyrye; forsoþe he was a stronge man and riche, but mesell. Forsoþe fro Cyrye wenten out lytyll þeeues, and þei haden brouȝt fro þe lond of Yrael a lytill chyld womman caytife, þat was in þe seruyce of þe wiyf of Naaman. Þe whiche seiþ to hir lady, Wolde God, my lord were at a prophete þat is in Samarye; forsoþe he schulde han helyde hym fro þe lepre þat he haþ. ”

“ Answerynge forsoþe oon of þe duykis, vpon whose hond þe kyng lenyde, to þe man of God, seide, Ȝif þe Lord make also þe goters in heuen to be opnyde, wheþer it schal mow ben þat þou spekist? Þe whiche seiþ, Þou schalt seen wiþ þin eeȝen, and þerof þou schalt not eten. Þan foure leprouse men weren byside þe entree of þe ȝate, þe whiche seyden to gydre, What wil we be here, to þe tyme þat we dyen? ”

“ And he seyde to hem, Tumbliþ hyre doun. And þei tumbliden hyre; and þe wall is sprengid wiþ þe blod, and þe hors houes, þat treden hyre. And when he was goon in, þat he ete and drynke, he seiþ, Gooþ, and seeþ þat cursed, and burieþ hyre, for þe douȝter of a kyng sche is. And when þei weren gon, þat þey biryen hyre, þei founden not, no bot þe scul, and þe feet, and gobitis of þe hond; and þey turned aȝein, tolden to hym. And Hieu seiþ, Þe word of þe Lord it is, þe whiche he spak by his seruaunt Helye Thesbyten, seyinge, In þe feeld of Jezrael houndis schulen eten þe flesche of Jezabel ”