“ And Dauid seide to hym, Ȝeue to me a place of þy flore, þat I bild in it an auter to þe Lord; so þat howe myche it is worþ of syluer þou take, and þe veniaunce cese fro þe puple. And Ornam seyde to Dauid, Take, and my lord þe kyng do what euer þing plese to hym; bot and oxen I ȝeue in to brent sacrifice, and þe pestels in to wode, and þe whete in to sacrifice; alle þingis gladly I ȝeue. And kyng Dauiþ seide to hym, It schal not ben so, bot syluer I schal ȝeuen as myche as it be worþ; ne forsoþe I owe to taken awey to þee, and so to offren to þe Lord free brent sacrifices. ”

“ I dwelle in a cedre hous; þe arke forsoþe of þe pese couenaunt of þe Lord is vndir skynnes. And Naþan seiþ to Dauiþ, Alle þingis þat ben in þi hert do, God forsoþe is wiþ þee. Þan þat nyȝt is maad þe word of þe Lord to Naþan, seyinge, Go, and speke to Dauiþ, my seruaunt, Þes þingis seiþ þe Lord, Þou schalt not bylde to me an hows to dwellen; ne forsoþe I dwellede in hous, fro þat tyme þat I ladde out Yrael fro þe lond of Egipt in to þis day, bot was euermore chaungynge þe places of tabernacle, and in tent wiþ al Yrael dwellynge. ”

“ And he gaderde alle þe princis of Irael, and prestis, and Leuytis; and þe Leuytis ben noumbred fro twenty ȝeer and aboue, and þere ben founde eyȝt and þritty þousand of men. Of þes ben chosen, delid in to þe seruyse of þe house of þe Lord, foure and twenty þousand; of prouostes forsoþe, and of domesmen, sixe þousand; bot foure þousand porters, and as fele sawtrers, syngynge in orgnys, þat Dauiþ maad to syngyn. And Dauiþ departyde hem by whiles of þe sonys of Leuy, þat is, Jersan, and Caaþ, and Merary, and Jersam, and Leadan, and Semei. ”

“ Þe whiche, whan weren commen, setten tentis forn aȝeynus Medaba; also þe sonys of Amon gaderd fro þeir cytees, camen to bateil. Þe whiche þing whanne Dauid hadde herde, he sente Joab, and al þe hoost of stronge men. And þe sonys of Amon gon out, dresseden scheltrun bysidis þe ȝate of þe cytee; þe kyngis forsoþe, þat weren commen to helpe, stoden apart in þe feld. Þan Joab vndirstondynge þe bateil forn aȝeynst and behynde þe bac aȝeynst hym to be maad, he chees most stronge men of al Yrael, and wente aȝein Cyrum; þe toþer forsoþe part of þe puple he ȝaue vndir þe hond of Abisay, his broþer ”

“ Þanne þes þre by þe mydil tentis of þe Philisteis wenten, and drewen watir of þe cysterne of Beþlem, þat was in þe ȝate, and brouȝten to Dauid, þat he schuld drynken; þe whiche wolde not, bot more offride it to þe Lord, seyinge, God scheelde, þat in þe siȝt of my God I do þis, and þe blood of þes men I drynke, for in perele of þeir lijues þei brouȝten to me water; and for þis cause he wolde not drynke. Þes þingus diden þe þree strengeste. Abisay forsoþe, þe broþer of Joab, he was prince of þre, and he rerede his spere aȝeynus þre hundriþ woundid ”

“ Efer, and Jesi, and Heliel, and Esriel, and Jeremye, and Odoye, and Jedehel, men most strong and myȝty, and duykis nemned in þeir meynes. Forsoþe þei forsoken þe God of þeir fadirs, and dyden fornycacioun aftir goddis of þe puplis of þe lond, þe whiche þe Lord toke aweye beforn hem. And þe Lord God of Yrael rered þe spirit of Phul, þe kyng of Assiries, and þe spirit of Teglat Falasar, kyng of Assur; and translatyde Ruben, and Gad, and þe half lynage of Manasse, and he brouȝte hem in to Ale, and Abor, and Aram, and þe flode of Gosam, vnto þis day. ”

“ Þe puple forsoþe þat was in it he ladde out, and maad vpon hem pestelis, and sledis, and prowd yren charis, to gon ouer, so þat þei weren al to-kut and tobrosed alle; þus dide Dauid to alle þe cytees of þe sonys of Amon, and he is turned aȝeyn wiþ alle his puple in to Jerusalem. Aftir þes þingis bateil is gon in in Gaser aȝeinus Philisteis, in þe whiche smote Sobachai Vsachites Saphai of þe kynrede of Raphaym, and he lowede hem. ”

“ And þes þe names of hem þat ben born to hym in Jerusalem; Sammu, and Sobab, and Naþan, and Salomon, Jeber, and Elisu, and Heeli, and Eliphalech, also Noga, and Napheg, and Japhie, and Elisama, and Baliada, and Eliphelech. Forsoþe Philisteis heerynge, for þi þat Dauiþ was anoynt in to kyng vpon al Yrael, þei steyȝeden up alle for to sechen hym. Þe whiche þing whanne Dauid hadde herd, he wente out to meeten wiþ hem. Bot þe Philisteis commynge ben held out in þe valey of Raphaym; and Dauiþ counseilide þe Lord, seyinge, Ȝif I schal steyen up to þe Philisteis? ”

“ And þe first lott wente out of Joiarib, þe secound of Jedeie, þe þrid of Harym, þe ferþ of Seosym, þe fyfþe of Melchia, þe sixt of Mayman, þe seuenþ of Acchos, þe eiȝþe of Abia, þe nynþe of Jesu, þe tenþe of Seþema, þe elleuenþ of Eliazub, þe twelþe of Jacym, þe þrittenþe of Oofa, þe fouretenþe of Isbaal, þe fyftenþe of Abelgaa, þe sixtenþe of Emmer, þe seuentenþe of Ezir, þe eiȝtenþe of Ahapses, þe nyntenþe of Pheceia, þe twenteþe of Zechel, þe oon and twentiþe of Joachym, þe two and twenteþe of Gamul, þe þre and twenteþe of Dalayan, þe foure and twentiþe of Mazian. ”

“ Capitulum VI. The sonys of Leuy; Jerson, Caaþ, and Mereri. Þe sonis of Caaþ; Amram, Isaar, Ebron, and Oziel. Þe sonys of Amram; Aaron, Moyses, and Maria. Þe sonys of Aaron; Nadab, and Abyu, Eliazar, and Yþamar. Eliazar gat Phynees, and Phynees gat Abisue; Abisue gat Bocci, and Bocci gat Osy; Osy gat Zaraias, Zaraias gat Meroyoþ. Forsoþe Meroyoþ gat Amaryas, Amaryas gat Achytob, Achitob gat Sadoch, Sadoch gat Achimas, Achimas gat Azarias, Azarias gat Johannam, Johannam gat Azarias; he is Azarias, þe prest of þe kynde of Aaron, þe which vside in þe hous presþod, þat Salamon bylde in Jerusalem. ”

“ Of þe lynage of Ysachar, Cedes, and þe suburbis of it, and Daberiþ wiþ his suburbis, Samoþ forsoþe, and his suburbis, and Anen wiþ his suburbis. Of þe lynage forsoþe of Aser, Masal wiþ his suburbis, and Adon lijc maner, Asach forsoþe, and þe suburbis of it, and Roob wiþ his suburbis. Bot of þe lynage of Neptalym, Cedes in Galilee, and þe suburbis of it, Amon wiþ his suburbis, and Cariaþiarym, and þe suburbis of it. ”

“ Þe breþeren forsoþe of þe sone of Abdiel, sone of Gummy, prince of þe hous in þeir meynes. And þei dwelliden in Galaad, and in Baasan, and in þe lityl tounes of it, in alle þe suburbis of Arnon, vnto þe termys. ”