“ Soþli as he ceesside to speke, he seide to Symound, Lede þou in to hiȝ, and slake ȝe ȝoure nettis in to þe takinge. And Symount answeringe seide to him, Comaundour, we trauelinge by al þe nyȝt token no þing, but in þi word I schal leye out þe nett. And whanne þei hadden don þis þing, þei closiden to gidere a plenteuous multitude of fysches; forsoþ her nett was broken. And þei bekenyden to felowis, þat weren in an oþir boot, þat þei schulden come, and helpe hem. And þei camen, and filliden boþe litle bootis, so þat þei weren al moost drenchid. ”

“ And Jhesu seide to hem, Sones of þis world wedden, and ben ȝouun to weddingis; forsoþe þei þat be worþi to þat world, and rysing aȝen fro deede men, neiþer ben weddid, neþer wedden wyues, neþer schulen mowe deye more; forsoþ þei ben euene wiþ aungels, and ben þe sones of God, siþen þei ben þe sones of rysinge aȝen. Forsoþe for deede men rysen aȝen, also Moyses schewide bysyde þe boysche, as he seiþ, Þe Lord God of Abraham, and God of Isaac, and God of Jacob. Forsoþ God is not of deede men, but of lyuynge men; forsoþ alle men lyuen to hym. ”

“ Treuli I seie to ȝou, who euere schal not take þe kyngdom of God as a child, he schal not entre in to it. And sum prince axide him, seyinge, Good maistir, what þing doynge schal I welde euerlastyng lyf? Soþli Jhesu seyde to him, What seist þou me good? No man is good, no but God aloone. Þou knowist þe comaundementis, Þou schalt not sle, Þou schalt not do leccherie, Þou schalt not do þefte, Þou schal not seye fals witnessyng, Worschipe fadir and modir. Which seide, I haue kept alle þes þingis fro my ȝouþe. Which þing herd, Jhesu seide to him, Ȝit o þing fayliþ to þee ”

“ Woo, whanne alle men schulen blesse ȝou; aftir þes þingis þe fadris of hem diden to prophetis. But I seie to ȝou þat heeren, loue ȝe ȝoure enemyes, do ȝe wel to hem þat haten ȝou; blesse ȝe to men cursinge ȝou, preie ȝe for men falsly chalengynge ȝou. And to him þat schal smyte þee on o cheke, ȝyue also þe toþer; and fro him þat takiþ awey fro þee a cloþ, ȝhe, nyle þou forbede þe coote. Soþly ȝyue to ech axinge þee, and who takiþ away þo þingis þat ben þyne, axe þou not aȝeyn. And as ȝe wolen þat men do to ȝou, and do ȝe to hem in lyk manere. ”

“ Þei schulen ȝyue in to ȝoure bosum a good mesure, and wel fillid, and shakun to gidere, and ouerflowynge; forsoþe by þe same mesure, by which ȝe schulen mete, it schal be meten to ȝou. Soþli he seide to hem and a liknesse, Wheþir a blynd man may leede þe blynde? wheþir þei falle not boþe in to þe dyche? A disciple is not aboue þe maistir; soþli ech schal be perfyt, if he is as his maistir. Soþli what seest þou in þi broþeris yȝe a festu, oþir a mot, but þou biholdist not a beem, which is in þi owne yȝe? Oþir hou maist þou seye to þi broþer, Broþer, suffre, I schal caste out a festu of þin yȝe? ”

“ Forsoþe Pilat axide him, seyinge, Ert þou kyng of Jewis? And he answeringe seide, Þou seist. Forsoþe Pilat seide to þe princes of prestis, and to þe cumpanyes of peple, I fynde no þing of cause in þis man. And þei woxen strengere, seyinge, He moueþ to gidere þe peple, techinge þorw al Judee, bigynnynge fro Galilee til hidur. Pilat forsoþ heeringe Galilee axide, if he were a man of Galilee. And as he knew þat he was of þe power of Eroude, he sente him aȝen to Eroude ”

“ Forsoþ Zachee stondinge seide to þe Lord, Lo! Lord, I ȝyue þe half of my goodis to pore men; and if I haue ony þing defraudid ony man, I ȝelde þe fourefold. Jhesu seide to him, For in þis day heelþe is maad to þis hous, for and he is þe sone of Abraham; forsoþe mannis sone cam to seke, and make saaf þis þing þat perischede. Hem heringe þes þingis, he puttinge to, seide a parable, for he was nyȝ Jerusalem, and for þei gessiden, þat þe kyngdom of God schulde be schewid a non. Þerfore he seide, Sum noble man wente in to a fer cuntree, to take to him a kyngdom, and to turne aȝeyn. ”

“ Which þing whanne Symound Petre syȝ, he felde doun to þe knees of Jhesu, seyinge, Lord, go fro me, for I am a man synnere. Soþli greet wondir hadde bigon aboute him, and alle þat weren wiþ him, in þe takinge of fisches whiche þei tooken. Soþli in lyk manere James and John, þe sones of Zebede, whiche weren felowis of Symount Petre. And Jhesu seiþ to Symound, Nyle þou drede; now fro þis tyme þou schalt be takynge men. And þe bootis led vp to þe lond, alle þingis left, þei sueden him. And it was don, whanne he was in oon of þe citees, and lo! a man ful of leper ”

“ Soþli Jhesu seiþ to hem, I axe ȝou, if it is leefful to do wel in þe sabot, eþer yuele? for to make a soule saf, eþer for to leese? And, alle men lookide aboute, he seide to þe man, Hold forþ þin hond. And he held forþ, and his hond was restorid to helþe. Soþli þei weren fulfilld wiþ vnwysdom, and spaken to gidere, what þei schulden do of Jhesu. Forsoþe it is don in þo dayes, he wente out in to an hil for to preye; and he was al nyȝt dwellinge in þe preier of God. And whanne þe day was maad, he clepide his disciplis, and chees twelue of hem, whiche he clepide also apostlis ”

“ Soþli Jhesu answeringe seide to hem, A! vnfeiþful generacioun and weyward, hou longe schal I be anentis ȝou, and schal suffre ȝou? leed hidur þi sone. And whanne he cam nyȝ, þe fend hurlide him doun, and to-brayd. And Jhesu blamede þe vnclene spirit, and heelide þe child, and ȝeld him to his fadir. Soþli alle men wondriden greetly in þe greetnesse of God. And alle men wondringe in alle þingis whiche he dide, he seide to his disciplis, Putte ȝe þes wordis in ȝoure hertis, for it is to comynge, þat mannis sone be bitrayed in to þe hondis of men. ”

“ Forsoþe what profitiþ it to a man, if he wynne al þe world, soþli leese him silf, and do peyringe of him silf? Forwhi who þat schal schame me and my wordis, and mannis sone schal schame him, whanne he schal come in his mageste, and of þe fadir, and of þe hooly aungels. Forsoþ I seye to ȝou, verily þer ben summe stondinge here, whiche schulen not taste deeþ, til þei seen þe rewme of God. Soþli it was don aftir þes wordis almoost eiȝte dayes, and he took Petre and James and John, and he stiȝede in to an hil, þat he schulde preie. ”

“ Forsoþ if I caste out fendis in þe fyngir, eþer spirit, of God, soþli þe rewme of God is comen in to ȝou. Whanne a strong armed man kepiþ his hows, alle þingis þat he weldiþ ben in pees. Soþli if a strongere comynge aboue ouercome him, he schal take a wey alle his armeris, in whiche he tristide, and schal dele abrood his spuylis. He þat is not wiþ me, is aȝens me; and he þat gedriþ not to gidere wiþ me, scateriþ a brood. Whanne an vnclene spirit haþ gon out of a man, he wandriþ by drye placis, sekinge reste; and he fyndynge not, seiþ, I schal turne aȝen in to myn hous, wher of I cam out. ”

“ Symound Petre answeringe seide, Þe Crist of God. And he blamynge hem comaundide hem þat þei schulden seie to no man, and seiþ þes þingis, For it bihoueþ mannis sone to suffre manye þingis, and to be repreued of þe eldere men, and of princes of prestis, and of scribis, and for to be slayn, and in þe þridde day to ryse aȝen. Forsoþe he seide to alle men, If ony man wole come aftir me, denye he him silf, and take he his cross euery day, and sue he me. Soþli he þat schal wilne to make his lyf saaf, schal leese it; forwhi he þat schal leese his lyf for me, schal make it saaf. ”

“ Lucas of Antyoche of Sirye nacioun, in craft a leche, was a disciple of þe apostlis; aftirward he folowide Poul anon in to his passioun, seruynge to þe Lord wiþ outen blame; forwhi he noþer hauynge eny tyme wyf, neiþir sones, of seuenty and foure ȝeer age deiede in Betanye, ful of þe Hooly Gost. Þe which aftir þat þe gospels weren writun, by Maþeu forsoþe in Jewerie, by Mark soþli in Ytalie, stirynge þe Hooly Gost, þis gospel he wroot in þe cuntrees of Achaye; also signyfiynge him silf, þat oþere gospelis of Maþeu and Mark weren writen bifore. ”

“ Soþli þe men weren almoost fyue þousynde. Forsoþe he seiþ to his disciplis, Make hem to sitte to mete by feestis, fyftyes. And þei diden so, and þei maden alle men sitte to þe mete. Forsoþe fyue looues and tweye fysches takun, he byheld in to heuene, and blesside hem, and brak, and delide to his disciplis, þat þei schulden putte bifore þe cumpanyes. And alle men eeten, and weren fillid; and þis þat lefte to hem of broken metis was taken, twelue coffyns. And it was don, whanne he was aloone preiynge, and his disciplis weren wiþ him, and he axide hem, seiynge, Whom seyn þe cumpanyes me to be? ”

“ A good man of þe goode tresour of his herte bryngeþ forþ good þing, and an yuel man of yuel tresour, bryngiþ forþ yuel þing; soþli of þe plente of þe herte þe mouþ spekiþ. Forsoþe what clepen ȝe me, Lord, Lord, and don not þo þingis þat I seye. Ech þat comeþ to me, and heeriþ my wordis, and doþ hem, I schal schewe to ȝou, to whom he is lyk. He is lyk to a man bildinge an hous, þat diggide deepe, and puttide þe foundement on a stoon. Soþli greet flowing maad, flood was hurtlid to þat hous, and it myȝte not moue it, for it was foundid on a sad stoon. ”

“ Which seyde to hem, Treuly I seye to ȝou, no man is, þat schal forsake hous, eþer fadir, eþir modir, eþir briþeren, eþer wyf, eþer sones, eþer feeldis, for þe rewme of God, and schal not receyue myche mo þingis in þis tyme, and in þe world to comynge euerelasting lyf. Forsoþe Jhesu took twelue disciplis, and seide to hem, Lo! we stiȝen to Jerusalem, and alle þingis schulen be endid, þat ben writun by þe prophetis of mannis sone. Forsoþ he schal be bitrayed to heþen men, and he schal be scorned, and scourgid, and bispet ”

“ I caste out fendis, and I make perfitly heelþis, to day and to morwe, and þe þridde day I am endid. Neþeles it bihoueþ me to day, and to morwe, and þe day suynge, to walke; for it falliþ not a prophete to perische out of Jerusalem. ”

“ To whom þerfore after þe baptym of Goddis sone fro þe perfeccioun of generacioun fulfillid in Crist, and fro þe bigynnynge of natyuyte of man to be rehersid, power was grauntid, þat to men sechinge he schulde schewe, in whom he was apprehendinge bi þe entringe of þe generacioun of vndepartable God, rennynge aȝen in to God by Naþan, þe sone of Dauiþ, admittid, prechinge to men his Crist, schulde make by þe sone þe work of a perfit man turne aȝen in to him silf, þe which Luk by Dauiþ þe fadir to men comynge to God ȝaf a wey in Crist. ”

“ And alle men wondriden. Forsoþ his mouþ was openyd anon, and his tunge, and he spak, blessinge God. And drede was maad on alle her neiȝeboris, and þes wordis weren pupplischid on alle þe hilly placis of Judee. And alle men þat herden puttedyn in her herte, seyinge, Who, gessist þou, þis child schal be? And soþli þe hond of þe Lord was wiþ him. And Zacharie, his fadir, was fillid wiþ þe Hooli Gost, and prophesiede, seyinge, Blessid be þe Lord God of Israel, for he haþ visitid, and maad redempcioun of his peple. And he haþ rerid to vs an horn of helþe in þe hous of Dauiþ, his child. ”

“ And he tauȝte in þe synagogis of hem, and was magnyfied of alle men. And he cam to Nazareþ, where he was norischid, and he entride by custom in þe day of saboþ in to þe synagoge, and roos for to rede. And þe book of Ysaie, þe prophete, was takun to him; and as he turnyde þe book, he fond a place where it is writun, Þe Spirit of þe Lord on me, for which þing he anoyntide me; he sente me for to euaungelise to pore men, for to heele contrite men in herte, and for to preche remyscioun to caytifs, and siȝt to blynde men; and for to delyuere brokun men in to remiscioun ”

“ Þerfore if ȝe, whanne ȝe ben yuele, kunne ȝyue to ȝoure children goode þingis ȝouun, hou moche more ȝoure fadir of heuene schal ȝyue a good spirit to men axynge him. And Jhesu was castinge out a fend, and he was doumbe. And whanne he hadde cast out þe fend, þe doumb man spak; and þe cumpanyes wondriden. Forsoþ summe of hem seiden, In Belsebub, prince of deuelis, he castiþ out deuelis. And oþere temptinge axiden of him a tokene fro heuene. Forsoþ he, as he syȝ þe þouȝtis of hem, seide to hem, Euery rewme departide aȝens it silf, schal be desolat, and an hous schal falle on an hous. ”

“ Þe queene of þe souþ schal ryse in dom wiþ men of þis generacioun, and schal condempne hem; for sche cam fro þe endis of þe erþe, to heere þe wysdom of Salomon, and lo! here is more þan Salomon. Men of Nynyue schulen ryse in dom wiþ þis generacioun, and schulen condempne it; for þei diden penaunce at þe prechinge of Joonas, and lo! here is more þan Joonas. No man liȝtneþ a lanterne, and puttiþ in hidlis, oþer vndir a boyschel, but on a candel sticke, þat þei þat gon yn, se liȝt. Þe lanterne of þi body is þin yȝe; if þin yȝe schal be symple, al þi body schal be liȝtful ”