“ Þe vyne ȝerd is confoundid, and þe fyge tree langwishide. Poumgarnet, and palme tree, and maal tree, or fir, of whom mastis ben maad, and alle trees of þe feeld dryeden; for ioye is confoundid fro sonys of men. ”

“ Heere ȝe, olde men, þis, and wiþ eeris perceyue ȝe, alle dwellers of erþe. Ȝif þis þing is don in ȝour days, or in days of ȝour faders. Vpon þis þing telle ȝe to ȝour sones, and ȝour sonys to her sonys, and þe sonys of hem to an oþer generacioun. A locust eete þe residue of eruke, þat is, a worme of bowis, and a bruke eete þe residue of locust, and rust eete þe residue of bruke. Awake ȝe, drunken men, and weepe ”

“ And Y shal selle ȝour sonys and ȝour douȝtris in þe hondis of þe sonys of Juda, and þei shuln selle hem to Sabeis, a fer folc, for þe Lord spac. Crie ȝe þis þing in heiþen men, halewe ȝe bateile, reyse ȝe strong men; alle menfiȝters, cum to, and stey vp. Bete to gydre ȝour plowis in to swerdis, and ȝour pikoysis, or mattokis, in to speris; þe seeke man saye, for Y am strong. Breste ȝe out, and come ȝe, alle folkis of cumpas, and be ȝe gadrid; þere þe Lord shal make þi stronge men for to dye. Folkis rijse to gydre, and stie vp in to þe valey of Josephaþ ”