“ And þe Lord spak to Moyses, seiynge, Spek to þe sones of Irael, A man or womman, whanne þei doon of alle þe synnes þat ben wont to falle to men, and bi negligence ouer passid þe maundement of þe Lord, and trespassen, þei shulen knowleche her synne, and þei shulen ȝeelde þat heed, and þe fifþe part þere aboue, to hym in whom þei synneden. If forsoþe þere weren not þat shulde resseyue, þei shulen ȝyue to þe Lord, and it shal be of þe preest, out take þe weþer þat is offryd for þe purgynge, þat þe oost be plesable. ”

“ If forsoþe anoon he wiþseiþ, she shal not be holdun gilti of þe biheest, for þe husboond wiþseiþ, and þe Lord shal forȝyue to hir. If she auowe, and bi ooþ streyne hir self, þat bi fastynge and abstynens of oþer þingis she traueyl hir soul, in þe dome of þe man it shal be, þat she do it, or not do it. And if þe man herynge holde his pees, and into anoþer day deferre þe sentence, what euer þing she haþ vowid and bihoot, she shal ȝeeld, for anoon as he herde, he heelde his pees. ”

“ I am þe Lord. In þe prijs forsoþe of two hundriþ seuenti and þre, þat passen þe noumbre of Leuytes, of þe fyrst gotun of þe sones of Yrael, þow shalt take fyue siclis bi eche heedes, at þe mesure of þe seyntuarie; a cicle haþ twenti halfpens; and þou shalt ȝyue þe money to Aaron and his sones, þe prijs of hem þat ben aboue. Þerfor Moyses toke þe money of hem þat weren more ouer, and þe whiche þei aȝenbouȝten of þe Leuytes, for þe first gotun of þe sones of Yrael, of a þousynd þre hundrid and fyue and sixti sicles, after þe weiȝt of þe seyntuarie ”

“ If forsoþe þat ȝe seyn, ȝe doon not, to no man dowt is, þat ne ȝe synnen aȝens God; and wite ȝe, þat ȝour synne shal catche ȝow. Bilde ȝe þanne cytees to ȝoure children, and fooldis and stablis to sheep and beestis; and þat ȝe han bihoot, fulfilliþ. And þe sones of Gad and Ruben seiden to Moyses, Þi seruauntis we ben; we shulen doo þat þe Lord comaundiþ. Oure litil children, and wymmen, and feeldbeestis, and howsbeestis we shulen leeue in þe cytees of Galaad; forsoþe we þi seruauntis alle fulspede shulen goo to batayl, as þow, lord, shalt speek. ”

“ What is forsoþe Aaron, þat ȝe grucchen aȝens hym? Þanne Moyses sente for to clepe Datan and Abyron, þe sones of Helyab; whiche answerden, We comen not. Wheþer litil it is to þee, þat þow hast ladde vs fro þe loond þat flowide mylk and hony, þat þow slee in deseert, but and þow haue lordship on vs? Forsoþe þow hast lad vs into þe loond þat flowiþ ryuers of mylk and hony, and þow hast ȝyue to vs possessiouns of feeldes, and of vynes; wheþer and oure eyen þow wolt drawe out? We comen not. And Moises ful wrooþ seiþ to þe Lord, Bihold þow not þe sacrifices of hem ”

“ Bi eche loombis and weþers shal be þe sacrifice of tryed flour, of two dymes, þat be spreynt wiþ oyle, of þe þridde part of hyn; and wyn to þe sacrifice of licour, of þe þridde part of þe same mesure, he shal offre into þe smelle of swetnes to þe Lord. Whanne forsoþe of oxen he doþ brent sacrifice, oþer oost, þat þow fulfille þe vowe, oþer pesible slayn sacrifices, þow shalt ȝyue, bi eche oxen, of tryed flour ten dymes, spreynt wiþ oyle, þat shal haue half of þe mesure of hyn, and wyn to þe sacrifices of licours to ben helde, of þe same mesure, into offrynge of moost swete smell to þe Lord. ”

“ If eny man smytiþ a man wiþ yren, and were deed, he þat is smyter shal be gilti of mannus slauȝter, and he shal dye. If a stoon he þrowe, and wiþ þe cast sleeþ, lijk maner he shal be punishid. If wiþ a tree smyten he dye, in blood of þe smyter he shal be vengid. Þe nyȝ kynne of þe slayn þe man sleer shal slee; anoon as he catchiþ hym, he shal slee. If bi haat eny man a man aȝen puttiþ, oþer þrowiþ eny þing into hym bi aspies, oþer whanne he were enemye wiþ hoond smytiþ, and he were deed, þe smyter shal be gilti of manslauȝter. ”

“ Þe saboþ day forsoþe ȝe shulen offre two loombes of oo ȝeer, vnwemmed, and two dymes of tried flour spreynt wiþ oyle, in þe sacrifice, and þe offryd licours, þat lawfullich ben held, bi eche sabotis, into brent sacrifice euerlastynge. In þe calendis forsoþe, þat is, in þe bigynnyngis of monþes, ȝe shulen offre brent sacrifice to þe Lord, calues of þe droue two, o weþer, seuen loombis of o ȝeer, vnwemmed, and þre dymes of tryed flour spreynt wiþ oyle, in sacrifice, bi eche calues, and two dymes of tryed flour spreynt wiþ oyle, bi eche weþers ”

“ Ȝoure forsoþe careyn shal ligge in wildirnes; ȝoure sones shulen be vagaunt in deseert fourti ȝeer, and þei shulen bere ȝoure fornycacioun, to þe tyme þat þe careyns of ȝoure faders ben wastid in deseert, after þe noumbre of fourti days, in þe whiche ȝe han biholdun þe loond; a ȝeer for a day shal be in noumbrid, and fourti ȝeer ȝe shulen resseyue ȝoure wickidnesses, and ȝe shulen knowe my veniaunce. For as I haue spoke, so I shal doo to al þis multitude moost shrewid, þat haþ togidir rysun aȝens me in þis wildernes ”