“ Salm XIII. In to þe ende, þe salm of Dauid. The vnwise man seide in his herte, Þer is not God. Corupt þei ben, and abhominable ben maad in þer studies; þer is not þat do good, þer is not vnto oon. Þe Lord fro heuene forþ beheeld vp on þe sonus of men; þat he see, if þer is vnderstondende, or aȝeen sechende God. Alle ben bowid doun, togidere vnprofitable ben maad; þer is not þat do good, þer is not vnto oon. A sepulcre opened is þe þrote of hem, wiþ þer tungis treccherously þei diden; þe venym of edderes vnder þe lippis of hem. Whos mouþ of cursing and bitternesse is ful ”

“ Þese þingus I recordide, and helde out in me my soule; for I shal passen in to þe place of þe ful merueylous tabernacle, vnto þe hous of God. In þe vois of ful out ioȝing and confessioun; soun of þe etere. Whi dreri art þou, my soule; and whi al disturbist þou me? Hope in God, for ȝit I shal knoulechen to hym; þe helþe ȝiuere of my chere, and my God. To myself my soule is al disturbid; þerfore I shal be myndeful of þee fro þe lond of Jordan, and fro Ermonyum, þe litle hil. Þe depnesse depnesse inwardli clepeþ; in þe vois of þi gooteris. Alle þin heȝe þingis; and þi flodis ouer me passiden. ”

“ By day þe sunne shal not brenne þee; ne þe mone bi þe nyȝt. Þe Lord kepeþ þee fro alle euel; kepe þi soule þe Lord. Þe Lord kepe þin entre and þi issu; fro þis now and vn to þe world.
Salm CXXI. Þe song of grees. I gladide in þese þingus, þat ben seid to me; In to þe hous of þe Lord wee shul go. Stondende weren oure feet; in þi porchis, O Jerusalem. Jerusalem, þat is bild as a cite; whos part taking is in to itself. Þider forsoþe steȝeden vp lynagis, þe linagis of þe Lord; þe witnessing of Irael, to knouleche to þe name of þe Lord. For þer seten þe setis in dom; þe setis vpon þe hous of Dauid. ”

“ Alienes sones han lied to me, alienes sonus ben elded; and haltiden fro þi paþis. Þe Lord liueþ, and blessid my God; and God of myn helþe be enhauncid. God, þat giuest veniauncis to me, and sogetyst puplis vnder me; my deliuerere fro my wraþeful enemys. And fro men risende in to me, þou shalt enhaunce me; fro þe wicke man þou shalt take me awei. Þerfore, Lord, I shal knouleche to þee in naciouns; and to þi name a salm I shal seyn. Magnefiende þe helþis of his king; and doende mercy to his crist Dauid, and to his sed vnto þe world. ”

“ I was myndeful of þe werkis of þe Lord; for I shal be myndeful fro þe begynnyng of þi merueilis. And I shal sweteli þenke in alle þi werkis; and in þi findingis I shal ben enhauntid. God, in þe holi þi wey; who gret God as oure God? þou art God, þat dost merueilis. Knowen þou hast maad in puplis þi vertu; þou hast aȝeen boȝt in þin arm þi puple, þe sones of Jacob and of Joseph. Þer han seen þee watris, God, þer han seen þee watris, and þei dredden; and disturbid ben þe depnessis. Þe multitude of þe soun of watris; a vois ȝeuen þe cloudis. Forsoþe þin arwis passeden þurȝ ”

“ If I seide, I shal telle þus; lo! þe nacioun of þi sones I haue repreued. I eymede, þat I shulde knowe þat; trauaile is befor me. To þe tyme þat I entre in to þe seyntuarie of God; and vnderstonde in þe laste þingus of hem. Neuerþelatere for treccheries þou leidist to hem; þou þrewe hem doun, whil þei weren rerid vp. What maner be þei maad in to desolacioun; feerli þei faileden, þei pershiden for þer wickidnesse. As a sweuene of risende men; Lord, in þi cite þe ymage of hem to noȝt þou shalt bringe. For enflaumed is myn herte, and my reenys ben al chaungid ”

“ Syngeþ to God, salm seiþ to his name, makeþ weie to hym þat steȝeþ vp vp on þe going doun; Lord name to hym. Ful out ioȝeþ in his siȝte, þei shul be disturbid fro þe face of hym, fader of faderles childer; and domes man of widewis. God in his holi place; God þat makeþ to indwelle of o maner in an hous. Þe whiche bringeþ out þe bounden men in strengþe; also hem þat terren, þat dwellen in sepulcris. God, whan þou shuldest gon out in þe siȝte of þi puple; whan þou shuldist passe in desert. Þe erþe is moued, forsoþe heuenus droppeden doun fro þe face of God of Synay; fro þe face of God of Irael. ”

“ Þou lassedist þe daȝes of hys time; þou ful heeldedest hym wiþ confusion. Hou longe, Lord, þou turnest awei in to þe ende; shal brenne out as fyr þi wraþe? Haue mynde what my substaunce; wheþer forsoþe veyn þou hast ordeynd alle þe sonus of men? Who is a man, þat shal liue, and shal not see deþ; and shal pulle out his soule fro þe hond of helle? Wher ben þin olde mercies, Lord; as þou hast sworn to Dauid in þi treuþe? Myndeful be, Lord, of þe repref of þi seruauns; þat I wiþheld in my bosum, of many Jentilis. Þe whiche þin enemys repreueden, Lord ”

“ Do wiþ me a tocne in good, þat þei see, þat hateden me, and be confounded; for þou, Lord, hast holpe me, and coumfortid me.
Salm LXXXVI. To þe sonus of Chore, þe salm of þe song. The foundemens of hym in holi hillis; þe Lord looueþ þe ȝatis of Syon, vp on alle þe tabernaclis of Jacob. Gloriouse þingus ben seid of þee; þou cite of God. Myndeful I shal be of Raab, and of Babiloyne; knowende me. Lo! alienus, and Tiris, and þe puple of Eþiopis; þese weren þere. Wheþer a man shal sey to Sion, And a man is born in it; and he þe most heȝ foundede it? Þe Lord shal telle in þe scripturis of puplis ”

“ Softid ben þe woordis of hym vp on oile; and þei ben speris. Þroȝ vp on þe Lord þi bisynesse, and he shal nurshe þee out; and he shal not ȝiue in to wiþ oute ende flotering to þe riȝtwise. Þou forsoþe, God, shalt bringe þem doun; in to þe pit of deþ. Men of blodis and treccherous shul not haluen þer daȝes; I forsoþe shal hope in þee, Lord.
Salm LV. In to þe ende, for þe puple þat fro seintis is maad aferr, in þe inscripcioun of þe title to hym, Dauid, whan þer shulden holden hym heþene men in Jeþ. Haue mercy of me, God, for a man to-trad me; al day impugnende trublide me. ”

“ Opene to þe Lord þi weie; and hope in hym, and he shal do. And he shal bringen out as liȝt þi riȝtwisnesse, and þi dom as mydday; soget be þou to þe Lord, and preȝe hym. Wile þou not folewe bi enuye in hym þat waxeþ welsum in his weie; and in man doende vnriȝtwisnessis. Lef of fro wraþe, and forsac wodnesse; wile þou not folewe bi enuye, þat þou be maad malicious. For þei, þat ben maad malicious, shul ben outlawid; sustenende forsoþe þe Lord, þei shuln eritagen þe erþe. And ȝit a litil, and þe synnere shal not ben; and þou shalt seche þe place of hym, and not finde. ”

“ Þi riȝtwisnesse as þe mounteynes of God; þi domes myche depnesse. Men and bestis þou shalt saue, Lord; as þou, God, hast multiplied þi mercy. Þe sones forsoþe of men; in þe coueryng of þi wengis shuln hopen. Þei shul ben inwardli drunken of þe plente of þin hous; and of þe strem of þi delit þou shalt ȝiue þem drinke. For anent þee is þe welle of lif; and in þi liȝt wee shul see liȝt. Befor strecche þi mercy to men knowende þee; and þi riȝtwisnesse to hem þat ben in riȝt herte. Come not to me þe foot of pride; and þe hond of þe synnere moue not me. Þere fellen þat werken wickidnesse ”

“ If þou seȝe a þef, þou runne wiþ hym; and wiþ auoutereres þi porcioun þou leidist. Þi mouþ aboundide in malice; and þi tunge ordeynde treccheries. Sittende aȝen þi broþer þou speeke, and aȝen þe sone of þi moder þou leidest sclaunder; þese þingus þou didist, and I heeld my pees. Þou eymedest wickeli, þat I shal be lic þee; I shal vndernyme þee, and sette þee aȝen þi face. Vnderstondeþ þis, ȝee þat forȝeten God; lest any tyme he raueshe, and þer be not þat deliuere. Sacrifise of preising shal wrshipen me; and þere þe weie, bi þe whiche I shal shewe to hym þe giuere of þe helþe of God. ”

“ A man shal go out to his werc; and to his werching, vn to euen. Hou magnefied ben þi werkis, Lord, alle þingus in wisdam þou hast maad; fulfild is þe erþe wiþ þi possessioun. Þis grete se and large to hondis; þere crepende bestis, of whiche is no noumbre. Little bestis wiþ þe grete; þere shippis shul þurȝ passe. Þis dragoun þat þou hast formed to begile to hym; alle þingus of þee abijden, þat þou ȝiue to þem mete in tyme. Þee ȝyuende to þem, þei shul gedere; þee openende þin hond, alle þingis shul be fulfild wiþ goodnesse. Þee forsoþe turnende awei þe face, þei shul be disturbid ”

“ God of myn helpe, and myn hope is in God. Hopeþ in hym, eche congregacioun of puple; heeldeþ out beforn hym ȝoure hertes, God oure helpere in to wiþoute ende. Neuer þe latere veyne þe sones of men; lieris þe sones of men in weiȝtis; þat þei desceyue, þei of þe vanyte in to itself. Wileþ not hopen in wickidnesse, raueynes wileþ not coueite; if richessis flowe to, wileþ not leyn to þe herte. Ones God spac, þese two þingus I herde; for þe power of God is, and to þee, Lord, mercy; for þou shalt ȝelde to eche man aftir his werkis.
Salm LXII. Þe salm of Dauyd, whan he was in þe desert of Ydume. ”

“ In þe trauaile of men þei ben not; and wiþ men þei shul not be scourgid. Þerfore heeld hem pride; þei ben couered wiþ wickidnesse, and wiþ þer vnpitousnesse. Wente forþ as of talȝ þe wickidnesse of hem; þei ouerpassiden in to lust of herte. Þei þoȝten and speeke shreudenesse; wickidnesse in heiȝte þey speeken. Þei putten in to heuene þer mouþ; and þe tunge of hem wente in þe erþe. Þerfore shal ben conuertid my puple heer; and fulle daȝis shul be founden in hem. And þei seiden, Hou wot God; and wheþer is þer kunyng in heiȝte? Lo! þo synneres, and abundende in þe world; weldeden richessis. ”

“ In God we shul be preisid al dai; and in þi name we shul knouleche to þee in to þe world. Nou forsoþe þou hast put vs abac, and confoundid vs; and, God, þou shalt not gon out in oure vertues. Þou turnedist vs awei bacward after oure enemys; and þei, þat hatiden vs, dyuersly caȝten to þemself. Þou ȝeue vs as shep of metis; and in Jentilis þou scateredist vs. Þou soldist þi puple wiþ oute pris; and þer was not multitude in þe togidere chaungingus of hem. Þou hast put vs repref to oure neȝhebores; vnder mouwing and scorn to hem þat ben in oure enuyroun. Þou hast put vs in to licnesse to Jentilis ”

“ Dredeþ þe Lord, alle ȝee seyntis of hym; for þer is not scarsnesse to þe men dredende hym. Riche men nededen, and hungriden; forsoþe þe inwardli sechende þe Lord shul not be mynusht alle goode. Comeþ, sonys, hereþ me; þe drede of þe Lord I shal techen ȝou. Who is þe man þat wil lif; looueþ to seen goode daȝis? Forfende þi tunge fro euel; and þi lippis þat þei speke not treccherie. Turne awei fro euel, and do good; inwardlyche seek pes, and pursue it. Þe eȝen of þe Lord vp on þe riȝtwise; and þe eris of hym at þe preȝeeris of hem. Þe chere forsoþe of þe Lord vp on men doende euelis ”

“ Þis boc forsoþe is deuydid bi þre fifties; bi þe whiche þre statis of cristene religioun ben betocned. Of whiche þe firste is in penaunce, þe secounde in riȝtwisnesse, þe þridde in preising of þe euere lastende lif. Wherfore þe firste fifti is endid in penaunce, þat is, þe salm þat begynneþ "Haue mercy of me, God;" þe secounde in riȝtwisnesse, þat is, þis salm, "Mercy and dom I shal singen to þee;" þe þridde in preising of þe euere lastende lif, þat is, þis woord "Eche spirit preise God." And for þese þre þingus techeþ Dauid in þis boc, þerfore þis þrefold distinccioun of salmys is maad. ”

“ Þou shalt leden out of tribulacioun my soule; and in þi merci þou shalt destroȝen alle myn enemys. And þou shalt leesen alle, þat trublen my soule; for I am þi seruaunt.
Salm CXLIII. Þe salm of Dauid; aȝen Golie. Blissed þe Lord my God, þat techeþ myn hondis to strif; and mi fingeris to bataile. My mercy, and my refut; myn vndertakere, and my delyuerere. My defendere, and in hym I hopide; þat vndirpooteþ my puple vnder me. Lord, what is a man, for þou hast myche maad knowen to hym; or þe sone of man, for þou eymest hym? A man to vanyte is maad lic ”

“ Þerfore I loouede þin hestis; ouer gold and topasion. Þerfore to alle þin hestis I was riȝtforþ reulyd; alle wicke weie to hate I hadde.
Phee. Merueilous þi witnessingis, Lord; þerfore serchede þem my soule. Þe declaring of þi woordis liȝtneþ; vnderstonding ȝiueþ to litle childer. My mouþ I openede, and I droȝ to a spirit; for þin hestis I desirede. Behold in me, and haue mercy of me; after þe dom of men loouende þi name. My goingus forþ riȝt reule þou after þi speche; þat þer lordshipe not of me alle vnriȝtwisnesse. Aȝeen bie me fro þe chalengis of men; þat I kepe þin hestis. ”

“ He sente beforn hem a man; and into a þral Joseph is sold. Þei mekeden in stockis his feet, iren passide þurȝ hys lif; to þe time þat his woord shulde come. Þe speche of þe Lord enflaumede hym; þe king sente and loosede hym, þe prince of puplis and lafte hym. He sette hym lord of his hous; and prince of all his possessioun. Þat he shulde enforme his princis as hymself; and his olde men prudence he shulde teche. And Irael entride in to Egipt; and Jacob a tiliere was in þe lond of Cham. And he encrecide his puple hugely; and fastnede hym vpon his enemys. ”