“ Capitulum III. Amoneste, or comaunde, hem, for to be sugettis to princes, and poweris; for to obeische to seyinge, for to be redy to al good werk; for to blasfeme no man, for to be not litygious, or ful of chiding, but temperaunt, or pacient, schewinge al myldenesse to alle men. ”

“ Summe oon of hem, þe propre prophete of hem, seide, Men of Crete euermore lyeris, yuel beestis, slow of wombe. Þis witnessing is trewe. For what cause blame hem sore, þat þei be hool in feiþ, not ȝyuynge tent to fablis of Jewis, and to maundementis of men, turnynge hem awey fro treuþe. Soþeli alle þingis ben clene to clene men; forsoþ to vnclene men and vnfeiþful no þing is clene, but and þe soule, or resoun, and conscience of hem ben maad vnclene. Þei knowlechen hem for to haue knowe God, forsoþ by dedis þei denyen ”

“ Forsoþ whanne þe benygnyte, and humanite, or manhed, of oure sauyour God apperide, not of workis of riȝtwysnesse þat we diden, but vp his mercy he made vs saaf, by waischynge, or baptym, of aȝen bigetyng, and aȝen newyng of þe Hooly Gost, whom he schedde out in to vs plenteuously by Jhesu Crist, oure sauyour, þat we iustifyed bi his grace, be eyris vp hope of euerlastyng lyf. A trewe word is, and of þes þingis I wole þee for to conferme oþere men, þat þei þat bileuen to God, curen, or do bisynesse, for to be bifore in goode werkis. Þes þingis ben goode and profitable to men. ”