Pierre-Hyacinthe Morice

“ Sçavoir faisons que nous desirans ledit mariage avoir & sortir son plein & entier effet, pour le bien de nous & de nos Royaume, pays & Seigneurie, & lesdits articles & convenances entre autres choss estre deuement & entierement entretenus, avons, par grande & meure déliberation de plusieurs Princes de nostre sang & lignage, Prélats & gens de nostre Conseil, de nostre certaine science, pleine puissance & auhorité Royale iceux articles & le contenu en iceux promis, jurez & accordez, promettons ”

“ Premierement a esté accordé entre eux, que pour le bien & utilité de leurs pays & Seigneuries, ils ont voulu, consenti & promis, veulent, consentent & promettent de prendre par mariage l’une partie l’autre, c’est à sçavoir ledit Roy Trés-Chreftien, ladite Dame Anne pour à femme & espouse, & ladite Dame Anne Duchesse dessusdite ledit Roy Trés-Chrétien pour son mary & espoux, & ce dans le jour de Mardy prochain huitiesme de ce mois de Janvier, Item, a esté accordé que lesdites espousailles seront faites dans le chasteau de Nantes. ”

“ Item, & à ce que le nom de la Principauté de Bretaigne ne soit & demeure aboli pour le temps avenir, & que le peuple d’icelui pays soit secouru & soulagé de leurs nécessitee & affaires, a esté açcordé que le second enfant malle, ou fille au deffaut de malle, venant de leurdit mariage, & aussi ceux qui ystront respectivement & par ordre, seront & demeureront Princes dudit pays, pour en jouir & user comme ont de coustume faire les Ducs ses prédecesseurs, en faisant par eux au Roy les redevances accoustumées ”