“ Þe pride of þin herte enhaunside þee, dwellynge in kyttyng, or hoolis of stoonys, areysynge þi seete. Þe whiche saist in þin herte, Who shal drawe me doun in to erþe? Ȝif þou shalt be reysid as an egle, and ȝif þou shalt putte þi nest amonge sterris, fro þennus Y shal drawe þee doun, saiþ þe Lord. ”

“ And þi stronge men shuln dreede fro mydday, þat a man of þe hill of Esau perishe. For sleayng and for wickidnes in to þi broþer Jacob, confusioun shal hille þee, and þou shalt perishe in to wiþ out eende. In þe day whan þou stodist aȝeinus hym, whanne aliens token þe oost of hym, and straungers entriden þe ȝatis of hym, and on Jerusalem senten lot, and þou wast as oon of hem. And þou shalt not dispise in þe day of þi broþer, in day of his pilgrimage, and þou shalt not glade on sonys of Juda, in þe day of perdicioun of hem ”