Philippe Desportes

“ Oubliant sa douleur paroistra toute saine,
Et les rais de vos yeux mes pleurs iront seichant.
Voyla comme un bel œil de deux sortes m’offanse,
Me blessant à la mort, et puis en m’empeschant
Que je ne puis monstrer ma mortelle souffrance. ”

“ O rét subtil d’Amour, couvert de belles fleurs,
O nouvelle Sereine, ô douce enchanteresse !
O paix instable et faulse, ô puissante Deesse,
Qui fais durer l’Amour et qui crois ses chaleurs,
Esperance, où es-tu ? ”

“ Quand je pouvois me plaindre en l’amoureux tourment,
Donnant air à la flamme en ma poitrine enclose,
Je vivois trop heureux : las ! maintenant je n’ose
Alleger ma douleur d’un soupir seulement.
C’est me poursuivre, Amour, trop rigoureusement :
J’aime, & je suis contraint de feindre une autre chose
Au fort de mes travaux je dy que je repose,
Et monstre en mes ennuis un vray contentement.
Ô dure cruauté de ma passion forte !
Mais je me plains à tort du mal que je supporte
Veu qu’un si beau desir fait naistre mes douleurs :
Puis j’ay ce reconfort en mon cruel martyre,
Que j’escry toute nuict ce que je n’ose dire, ”

“ Tous les autres malheurs ne me font point de peur,
Renforçans mon ardeur plustot que de l’estaindre.
Car quand à vous servir je me suis preparé,
Je n’ay de mon amour aucun fruict esperé :
Si je n’espere rien, rien ne me fera craindre. ”

“ Qui pour voler au Ciel eut assez de courage :
Icy tomba son corps degarni de plumage
Laissant tous braves cœurs de sa cheute envieux.
Ô bien-heureux travail d’un esprit glorieux,
Qui tire un si grand gain d’un si petit dommage !
Ô bien-heureux malheur plein de tant d’avantage,
Qu’il rende le vaincu des ans victorieux !
Un chemin si nouveau n’estonna sa jeunesse,
Le pouvoir luy faillit mais non la hardiesse,
Il eut pour le brûler des astres le plus beau.
Il mourut poursuivant une haute adventure,
Le Ciel fut son desir, la Mer sa sepulture.
Est-il plus beau dessein, ou plus riche tombeau ? ”

“ Ayant d’un vol nouveau pris la route des Dieux,
Et sur tous les mortels sa poursuite haussee.
Emporté tout ainsi de ma haute pensee
Je vole aventureux aux soleils de vos yeux,
Et voy mille beautez qui m’elevent aux Cieux,
Et me font oublier toute peine passee. ”

“ Pourquoy si folement croyez-vous à un verre,
Voulant voir les beautez que vous avez des cieux !
Mirez-vous dessus moy pour les connoistre mieux,
Et voyez de quels traits vostre bel œil m’enterre.
Un vieux chesne ou un pin, renversez contre terre,
Monstrent combien le vent est grand et furieux :
Aussi vous connoistrez le pouvoir de vos yeux,
Voyant par quels efforts vous me faites la guerre.
Ma mort de vos beautez vous doit bien asseurer,
Joint que vous ne pouvez sans peril vous mirer :
Narcisse devint fleur d’avoir veu sa figure.
Craignez doncques, Madame, un semblable danger,
Non de devenir fleur, mais de vous voir changer, ”

“ Puis voir tout renverser par Fortune contraire.
Connoistre assez son mal, ne s’en pouvoir distraire,
Chercher obstinément ce qu’on doit eviter,
Se nourrir de douleurs, nuict & jour lamenter,
Et fuyant ses amis croire à son adversaire ”