Durieu

“ Les vacations et salaires de ceulx quy travaillent pour le pays sont payées troys ans apprès les avoir exposées, pour autant qu'il leur fault faire les avances de tous les fraix et voyages, attendu qu'il n'y a aulcungz deniers dans le pays que quinze cens livres seulement quy ne sont pas suffisens pour le payement des salaires des huissiers et comis de la Chambre des Comptes et de Messieurs les Receveurs gennéraux, de quoy il en a esté faicte instance au Conseil sans y rien avancer ”

“ Et après avoir pris place inmédiatement près dudict sieur de Rodez, président desdictz Estatz, du costé de la Noblesse, et le procureur et advocat du Roy sur une chaize à cest effet préparée au millieu de l'assemblée, par ledict procureur ou advocat du Roy, ledict sieur Commissaire est requis de faire lire et publier la commission du Roy, ce quy est faict à l'instant par l'un des greffiers des Estatz à haulte voix en la présence de toute l'assemblée ”

“ Les impositions donq faictes en ceste forme, les Estatz en sont dressés contenant par le menu toute nature de levées; et sont signés par les consulz des capitalles villes à tour, mais tousjours par les consulz de Villefranche et le lieutenant genuéral, advocat ou procureur du Roy, sans
aulcun salaire, quoyque la loi soicl rigoureuse, et pour les coécateurs quy n'ont que sectze livres pour tous fraix et tous ensemble et quy sont obligés d'y despendre bien souvant le quadruple. ”