“ Comme trois ieunes hommes de leur enfance mal nourris et instruits en la crainte de Dieu, frequentoyent ordinairement plustost les tauernes et cabarets, que les Eglises et Collèges ou s'acquiert la vertu.
Iceux estans dans vn cabaret, distant de quatre lieues de Perrigeur, sur le grand chemin de Bourdeaux, iouans aux cartes selon leur bonne coustume et par la permission de l'Hoste qui ne valoit pas plusqu'eux. ”

“ La chambriere fit ainsi que luy auoit dit cest homme, et a l'instant quelle eut ietté ceste seruiette sur la table, ou iouoient ces renieurs de Dieu, ilz furent rendus muets, et perclus de tous leurs membres, lesquels auoient consenty a leurs maudits et detestables blaphemes.
Voila le commencement de leur salaire en ce
monde, attandant leur derniere recompense aux Enfers, si Dieu ne les regarde de l'œil de sa miséricorde. ”

“ Lors il luy dit ne passe point outre, mais t'en retourne à ton logis, et ne faux pas, si tu ne veux mourir, de
présenter ceste seruiette ainsi qu'elle est, deuant ces ioueurs, lesquels tu trouueras ou tu les as laissez. ”