Philippe Desportes

“ Si tu es juste, Amour, tu me dois délier,
Ou par un doux effort ceste dure plier :
Mais las que mon attente est folle & miserable !
J’importune un tyran qui de nos maux se plaist,
Qui s’abreuve de pleurs, qui d’ennuis se repaist. ”

“ Si ie saute du lict s’en suis plus mal mené :
Si ie sors, le tyran, qui me tient enchaisné,
À toutes les fureurs pour conduite me baille.
Icy l’ardent desir m’anime à bien aimer,
Plus pres le desespoir me veut faire abysmer :
Ie suis en mesme temps tout de flamme & de glace.
Sans fin mesmes discours ie refais & desfais,
Ô miserable esprit ! quel Amour, quelle Paix
D’un chaos si confus debrouillera la masse ? ”

“ Et par son doux parler ie sens croistre ma flame.
Voila quelle est ma vie, & n’ay plus de repos
Depuis l’heure qu’Amour m’engraua dedans l’ame
Son œil, son poil, sa main, & ses diuins propos.
XII.
Vallon, ce Dieu tyran, qui me fait endurer
Tant de viuantes morts qu’immortel ie supporte,
Nous a tous deux rãgez presque en la mesme sorte,
Et presque vn mesme mal nous contraint soupirer.
Aimant comme tu fais, tu ne dois esperer
Qu’aucun allegement tes ennuis reconforte :
Aimant comme ie fays, mon esperance est morte
Car ce n’est aux mortels d’y penser aspirer. ”