“ Il est vraisemblable que ceulx qui tiennent l’opinion contraire parlent plus pour eulx que pour le prince. Ce sont genz, peut-être, qui veulent seuls gouverner et conduire tout à leur vouloir et plaisir, qui craignent leurs faicts eslre cogneus par aultres, assiègent le prince et gardent que nul approche de luy. ”

“ Davantage, les roys tenant les Estats oient la voix de la vérité, qui leur estoit souvent cachée par leurs serviteurs. Pour ceste cause, ung bon et ancien autheur les admoneste de lire les histoires et livres qui enseignent comme il faut gouverner les royaumes : car, par la leçon d’yceulx, les roys connoistroient ce que leurs amjs ne leur osent ou veulent dire. ”

“ Combien de pauvretez, d’injures, d’injustices qui se font aux peuples, sont cachées aux roys, qu’ils peuvent ouyr et entendre, tenant les Estats î cela relire les roys de trop charger et grever leurs peuples, d’imposer de nouveaux subsides, de faire de grandes et extraordinaires despenses, de vendre offices à maulvais juges, de bailler évêchés et abbayes à gens indignes, et d’autres infinis maulx, que souvent par erreur ils commettent ”

“ Messieurs, il est sans doubte que le peuple reçoit grand bien des Estats-Généraux ; car il a cest heur d’approcher de la personne de son roy, de luy faire ses plaintes, luy présenter ses requestes, et obtenir les remèdes et provisions nécessaires. ”