Joachim Bernier de la Brousse

“ Mais sur tout cher amy, au peuple Noüaillois
 Deuot chante cecy au milieu de ses bois.
 Ce Bernier qui iadis entonnoit vostre gloire,
Par l’iniuste rigueur des puissances des Cieux
 Se plonge volontiers au fonds de l’onde noire
 Plustost que de manquer au soleil de ses yeux. ”

“ Las ! pleust au fils de la blonde Escumiere
 Qu’un iour prefix des l’Aube au doigt vermeil,
 Iusqu’au coucher des coursiers du Soleil,
 Ie fusse vif sous vostre escorce Ormiere.
Despuis ce point, ie verrois curieux
 Ma belle Nymphe, esclatante à mes yeux,
 Sans offenser ses beautez que i’adore. ”

“ Les bois n’ont peu cacher soubz leurs rameaux touffus
 Mes dures passions qu’ont causé tes refus,
 Bien que soubs cest espoir i’eusse fuy ta presence :
Las ! on ne peut forcer l’ordonnance des Cieux,
 Amour est inuaincu de tous temps, en tous lieux,
 Et par diuers effects nous monstre sa puissance. ”

“ CXVIII. Dialogue,
le cor.
Passons dōc à ce coup le fleuue Acherotide,
 Mon ame qu’attends tu ? i’ay tracé le chemin :
 Voids-tu point à son bord ce vieillard inhumain,
 Qui t’attend de pied coy dans sa nacelle avide ? ”