Anonyme

“ Chacun sçait assez que dés les premiers ans de nostre ieunesse, & mesmes auant que Dieu nous eust appellé à ceste Couronne, nous n’auons rien tant desiré que de veoir ce Royaume repurgé de l’heresie, & tous les subiects d’iceluy remis à l’vnion de son Eglise saincte. ”

“ Neantmoins à ce que cest Edict demeure ferme & stable à iamais, cõme faict de l’aduis & commun cõsentement de tous les Estats de ce Royaume : & à ce qu’aucun ne pretende cause d’ignorance de l’essence & qualité d’iceluy, & qu’il soit marqué de la marque de Loy du Royaume à iamais : ie veux que cest Edict si sainct soit presentement leu à haulte voix, entendu de tous, puis iuré par vous tous en corps d’Estat. A quoy faire ie monstreray l’exemple tout le premier, à fin que ma saincte intention soit cognuë deuant Dieu, & deuant les hommes. ”

“ CE faict sa Majesté tesmoigna le grand desir qu’elle auoit de mettre fin à ceste assemblée, & pourueoir à tous ses subiects, sur leurs iustes plainctes, & doleances, & pour cest effect promeit ne se departir de la ville de Blois, iusques à l’entier paracheuement de la tenue desdicts Estats. Ordonnant pareillement à tous ceux de la dicte assemblée, de ne s’en departir aucunement. ”