Anonyme

“ Enfin vous prendriez plaisir de voir maintenant ces pauvres Pensionnaires le vermillon aux ioües, de tristes & chagrins qu’ils estoient auparauant en l’esperance qu’ils ont, que la bourrasque est passée, & que le mauuais vent qui leur a soufflé en queuë, estant renfermé comme il est, ils auront meilleur temps à laduenir, sur tout on leur fait croire la resurrection de leurs Breuets. Or de sçauoir encores quel sera celuy qui succedera à ce Reformateur de bibus : c’est chose que ie ne vous puis pas dire au vray. ”

“ Sur ce qu’il y en y de vous autres qui me demádent des nouuelles de ce beau vieillard, qu’on nomme le bien public, & veulent sçauoir si ie ne l’ai point veu, comment il se porte, & s’il à des enfans : ie vous dirai que le bon homme ne bat quasi que d’vne esle, qu’il a fortpeu d’amis, & pour des enfans, comment en auroit-il, craature viuante ne l’ayant iamais voulu espoufer ? ”

“ Quoy qu’il en soit ie n’ay iamais veu oyson mieux farcy, que ce bon Seigneur est auiourd’huy chargé de fieures quartaines, & que si sa teste de sitroüille est capable de grossir à force d’estre arrousee des maledictions qu’on luy donne, il peut bien commander de bonne heure de nouuelle forme de calotte. ”

“ Au surplus i’appris que le mariage d’Angleterre s’en va estre fait auec Madame & ne doutez pas qu’elle ne face sonner la Messe en ce païs là a double carrilló. Voila mes amis ce qui se dit au lieu d’où ie viés. Si vous en voulez sçauoir dauátage, il viédra icy coucher vn Courrier qui vous acheuera la legende. Car pour moy il est temps que i’aduance chemin, si ie veux arriuer de iour au giste. ”

“ Mais le voyant auiourd'huy en vn estat qui excitz plus ses ennemis à commi- seration qu'à vengeance, les gens de bien le laissent là , & luy desirent seulement qu'il esprouue maintenant la difference qu'il y a entre ceux qui moderez en leur fortune , acquierent la biẽ-veillãce d'vn chacun, & ceux enyurez de leur bon- heur , se creuent les yeux, necognoissent personne, abusent de leur authorité, & se chargent d’vne hayne publicque qui les accable en fin, & les rend la fable du monde. ”

“ I’appris neantmoins en partãt de Sainct Germain, qu’on auoit appellé à la garde de la beurse, vn Conseiller d'estat , dont i'ay oublié le nom, & me semble qu'il y a à la fin du Lac ou du Laic. Ie vis vn Recollé qui semist fort sur ses loüanges , & qui tout espanoüy de ioye, disoit que les Capitai- nes estroppiez tireront ce qu'ils pourront de sa faueur : mais que pour luy il s'asseu- roit bien que son conuent en vaudroit mieux. ”