“ Ie t’aduertis que celuy qui desire d’instruire son prochain, & de luy imprimer la crainte & l’amour de Dieu dans l’ame ; il faut qu’il l’aye premierement luy mesme : c’est pourquoy nous voyons tant de personnes qui s’employent à prescher, instruire & catechiser, & conduire les ames, mais nous en voyons bien peu de fruict. ”

“ Il ne faut iamais permettre que les enfans se mocquent de la response de leur compagnon, que si cela arriuoit faudroit faire tous ses efforts pour empescher que cela n’arriuât plus, leur faisãt voir pour cét effect combien c’est vn grand mal, & que c’est le diable qui les pousse à cela de peur qu’ils ne profitent des instructions qu’on leur fait.
Il faut tacher d’estre modestement gay & gayement modeste sans pourtant rire, il faut aussi éuiter vne trop grande grauité : car encore qu’il faille estre serieux, si est-ce neantmoins qu’il faut tacher de ne l’estre pas trop. ”

“ Il faut auoir la grace, & estre animé de l’Esprit de Iesvs-Christ pour connoistre ces veritez ; & ceux qui ne les ont pas, agissent en tout materiellement dans toutes leurs fonctions, ainsi que fait un Aduocat qui dresse & fait son plaidoyé. O que le Diable ne redoute gueres telles personnes ! C’est pourquoy celuy qui desire s’employer utilement au salut des autres, doit beaucoup & long temps trauailler auprauant au sien, à l’exemple de tous les Saint, & de Iesvs-Christ mesme, lequel demeura caché & retiré iusques à 30.ans, & n’en voulut prescher que trois seulement ”

“ Apres la priere faite, le Catechiste fait asseoir en bon ordre tous les enfans, en suitte il commence par le Signe de la Croix, qu’il fait faire non seulement à toute l’assistance mais encor à chacun enfant en particulier, auant qu’ils respondent pour la premiere fois.
Faut tousiours faire l’ouuerture de la leçon par vne repetition d’vne partie de l’abbregé de la Doctrine Chrestienne ; ce qui se fera par le Maistre du Catechisme s’il n’y a point d’enfant assez suffisant pour ce faire. ”

“ La grande consolation à l’heure de la mort, d’auoir peut-estre esté la cause instrumentelle du salut de plusieurs ames.
6. Sur la grande recompense qui lui est preparée dans le Ciel.
Les moyens dont le Cathechiste pourroit se seruir pour se rendre parfait en cet exercice, sont 1. La frequente & feruente priere pour obtenir de Dieu cette grace & ce talent. 2. Estudier les liures qui traitent de cette matiere. 3. Communiquer souuent auec ceux qui ont grace particuliere pour le Catechisme, & s’il se peut les voir actuellement dans la pratique afin de les imiter. ”

“ Quand les enfans badinent faut les supporter auec beaucoup de douceur & de patience, par apres les aduertir en general d’estre bien modestes & attentifs, puis en particulier. Et en cas que les deux moyens precedens ne seruent de rien, & que nonobstant tout cela ils continuent, il les faut faire mettre à genoux & les menacer de le dire à leurs parens, les priuer de la recompense de la chose qu’on leur vouloit donner s’ils eussent esté modestes. ”

“ On pourroit encore faire autre chose en faueur du ceux qui ne pourraient lire, à sçauoir de les ioindre auec quelqu’autres qui sçauroient lire & qui leur seroient voisins, & les charger de se mettre ensemble à quelque heure du iour pour apprendre la leçon, leur promettant pour cela quelque recompence. ”

“ Outre : qu’il ne se faut point ingerer en une fonction si importante, que l’on ne s’y sente puissamment appellé de Dieu, auec le tesmoignage d’vne bonne conscience, & l’approbation de quelque homme sçauant, prudent, & spirituel ”

“ Il seroit fort vtile pour les enfans que le maistre fit sur la fin du Catechisme, vne recapitulation de tout ce qui y auroit esté dit, & cela fort succintement, afin qu’il fut facile à vn chacun voire aux plus grossiers, de remporter tout au moins cela du Catechisme. ”

“ S’appliquer de bonne heure à ce saint exercice. 5. Enfin lire souuent les reglemens dresser à cét effet, & voir si on les pratique fidellement.
Aduis particulier pour enseigner le Catechisme. Estant arriué en l’Eglise, apres auoir pris de l’eau beniste auec reuerence & deuotion, faut se mettre à genoux adorer la Sapience Incarnée residente au tres S. Sacrement, faire vn acte de Contrition & demander sa benediction pour faire cette action purement pour sa gloire. ”