“ Lucifer fut moult bel et de telle stature quoy sont les aultres bons angelz et ne demoura mye aux cieulx par lespace de une heure Car il se enorguillit en regardant et contemplant sa belle grant beaulté en la quell̃ il fut fourmé et touz ceulz qui furent panssantz mal avecq luy furent gectés en enfer en cõfusion et faict led. Lucifer sellon q̃ dient les docteurs de nigromance et led. Lucifer preside en enfer et touz lesd. ”

“ Salomon Les esperitz faisoint trop de maulx et de pestilences sur terre et destrusoint plusieurs biens de ce monde et a humain lignaige faisoint plusieurs persecusions Et pour ce q̃ la misericorde de dieu dona aud. salomon Le benefice de ceste saincte science a contraindre lesd. esperitz et faire oboeyr a humaine creature adfin q̃ leur malice ne regnast plus sur La terre crestienne ”

“ Le tiers esperit est appelle Satan Lequel fut fourme apres lucifer et converse en lair pres de nous Jceluy sathan appiert en gracieuse semblance et habite en septẽtrio. Celuy qui lappelle Doibt avoir son visaige vers septentrion Jcelluy apiert et a puissance de defformer touz homes et femmes se on Luy cõmande et se apparoille a faire touz maulx si luy est cõmande ”