Abel Jouan

“ Le Dimanche sixiesme iour dudict mois, seiourna tout le iour audict lieu, durant lequel ceulx de la ville dõnerent plaisir au Roy de faire combatre des Thoreaux en vne grande place, que des hommes combatroiẽt auec de grandz esguillons. Puis le Lundy septiesme iour, le Roy alla passer la riuiere du Sirron par dessus vn pont de pierre, qui s’appelle le pont de Boullas, & est le lieu qui fait la separation de France, & des terres de Nauarre. Cedict iour le Roy alla disner & coucher à Captieux, qui est vne petite ville au commencement des landes de Bordeaux. ”

“ Auquel lieu le Roy seiourna cinq iours, puis en partit le Vẽdredy neufiesme iour dudict mois, & se rembarqua en sondit batteau sur la riuiere de la Sone, pour aller coucher à l’Isle, qui est vne abbaye au meilleu de ladicte riuiere pres Lyon
Et le Samedy dixiesme iour le Roy s’en reuint par eau pour aller souper à Lyon au logis de monsieur le Mareschal de Vieille-ville, puis retourna coucher a l’Isle. ”

“ Puis le Dimanche gras la Royne feit vn beau festin au disner à vn logis qui s’appelle la Vacherie, puis à l’apres-disnee allerent prendre leur plaisir à veoir iouer vne belle Comedie en la grand salle du bal, puis le Lundy gras Mõsieur d’Orleans feit vn autre beau festin à son logis au disner, & à l’issue d’iceluy se feit vn beau combat en la court du logis de six cheualiers contre six autres, desquelz estoit capitaine Monsieur du Peron, qui maintenant Le cõbat de Fõtainebleau. ”

“ Et le Mercredy premier iour de May audict an, mil cinq cens soixãte six, ledict Seigneur partit de sainct Mor pour aller disner au logis de Madame du Peron, qui est vn beau petit logis aux faulxbourgs sainct Honoré léz Paris.
Ici est la fin dudict Voyage.
Honesta bonis viris, non occulta quæruntur. ”