Claude Armand

“ Un peu devant le tremblement la terre se haussa si haute, que la mer se retira loin de terre bien deux mille, une riviere qui est aussi grosse pour le moins que le Rosne, retourna contre mont sans couler plus dans la mer par l'espace de deux heures, & apres le tremblement la mer retourna en si grande furie qu'elle noya deux villages, & la riviere desborda par autres terroirs, & fit grand dommage à plusieurs maisons. ”

“ RECIT VERITABLE & espouventable du tremblement de terre arrivé à la Pouille Province du Royaume de Naples, où plusieurs villes & villages ont esté ruinez, un nombre infiny de personnes morts, & autres prodiges estranges.
Les jugemens de Dieu sont vrayement inscrutables, & l'entendement de l'homme ne les peut profonder: Et comme dict Sainct Augustin, L' ire de Dieu n'est pas un trouble d'esprit en luy, mais un sincere jugement, par lequel punition est decernée contre le peché. ”

“ Sa volonté ne se change point, c'est nous qui nous changeons : Dieu semble estre changé aucunement, quand on void sa douceur convertie en indignation, puis sa severe Justice en grace & misericorde. Mais, helas! nos pechez attirent d'ordinaire les justes jugemens dessus nous, & quand nous y pensons le moins, c'est alors que les Arrests divins sont executez. ”