Frédéric Mistral

“ Que ta voues a clanti sus tóuti li rioto,
Qu’as vougu sauva l’ome e cura lou poucièu,
Lou mounde, sèmpre dur i paraulo inmourtalo,
O, tau que lis aucèu en vesènt qu’aviés d’alo,
T’a cassa de pertout, paure ! ”

“ A DONO MIOLAN - CARVALHO
Ai ausi canta la calandro
Que s’esperd dins lou soulèu rous,
E lou roussignòu amourous
Que nous dis sa tèndro malandro.
Au ventoulet quand se balandro,
Ai escouta lou pin noumbrous ”

“ Grand soulèu de la Prouvènço,
Gai coumpaire dóu mistrau,
Tu qu’escoules la Durènço
Coume un flot de vin de Crau,
Fai lusi toun blound calèu !
Coucho l’oumbro emai li flèu !
Lèu ! lèu ! lèu !
Fai te vèire, bèu soulèu ! ”

“ E qu’as douna ta vido à metre dins soun lustre
Lou pintre majourau que te dounè lou jour,
Autant coume autre-tèms nosto rèino Ermengardo,
As persounifica toun Arle grand e mut,
Toun Arle, aquelo véuso Artemiso, que gardo
La glòri de si rèire enclaus dins l’atahut,
Que porto lis Areno en courouno, e regardo
Sus lou Rose eilalin s’enana li lahut. ”

“ Coupo santo
E versanto,
Vuejo à plen bord,
Vuejo abord
Lis estrambord
E l’enavans di fort !
Vuejo-nous lis esperanço
E li raive dóu jouvènt,
Dóu passat la remembranço
E la fe dins l’an que vèn. ”