Anonyme ou Francesco Colonna

“ Comment apres que Polia se fut accusee deuant la Prieuse du temple de Venus, des inhumanitez & rudesses dont elle auoit use enuers Poliphile, & declairé qu’elle estoit totalement deliberee de luy estre courtoise & gracieuse pour l’aduenir, la Prieuse le fit comparoir deuant elle : & adonc il requit que son plaisir feust confermer & asseurer la bonne uolunté qu’ilz portoient l’un a l’autre. ”

“ Comment Cupido descendit de la barque : & cõme les Nymphes de l’isle uindrent audeuãt de luy richement atournees en paremens de triumphe : les presens qu’elles luy offrirent : puis comme il monta en son chariot triumphant, pour aller au theatre, & feit mener apres lui Poliphile & Polia lyez et attachez, auec plusieurs autres : & y est descrite la forme du theatre, tant du dehors que du dedans. ”

“ Comment Poliphile poursuyt son histoire, disant que Polia ne feit cõpte de ses deux lettres : parquoy luy enuoya la tierce, qui profita aussi peu q̃ les autres : & a la fin se retira uers elle, qu’il treuua seule au temple de Diane, ou elle estoit en oraison : & en luy faisant discours de son languir, mourut de deuil en sa presence : puis quelque temps apres resuscita.
Comment l’ame de Poliphile luy racompte ce que luy estoit aduenu depuis le departement de son corps, & des accusations qu’elle uoit proposees deuant la deesse Venus a l’encontre de Cupido, & de la cruele Polia. ”

“ Comment ilz arriuerẽt en l’isle Cytheree : la beaulté de laquelle est icy descrite, ensemble la forme de leur barque : & comme au descendre uindrent au deuant d’eulx, plusieurs Nymphes, pour faire honneur a Cupido leur maistre. ”