Anonyme ou Francesco Colonna

“ Comme Polia encores incongneue a Poliphile, luy monstre les ieunes hommes & les pucelles qui aimerent au temps iadis, & en pareil furent aimees des dieux : puis luy feit ueoir les Poëtes chantans leurs poësies immorteles.
Comme apres ce que la damoyselle eut declairé a Poliphile le mystere des triumphes, & les doulces amours des dieux, elle l’admonesta d’aller plus auãt : ce qu’il ne refusa : & y ueit plusieurs ieunes nymphes passant le tẽps tout le lõg d’un ruysseau auec leurs fideles amiz : puis comme il se trouva espris de l’amour de la damoyselle sa guyde. ”

“ Comment Poliphile poursuyt son histoire, disant que Polia ne feit cõpte de ses deux lettres : parquoy luy enuoya la tierce, qui profita aussi peu q̃ les autres : & a la fin se retira uers elle, qu’il treuua seule au temple de Diane, ou elle estoit en oraison : & en luy faisant discours de son languir, mourut de deuil en sa presence : puis quelque temps apres resuscita.
Comment l’ame de Poliphile luy racompte ce que luy estoit aduenu depuis le departement de son corps, & des accusations qu’elle uoit proposees deuant la deesse Venus a l’encontre de Cupido, & de la cruele Polia. ”

“ Comment apres que Polia se fut accusee deuant la Prieuse du temple de Venus, des inhumanitez & rudesses dont elle auoit use enuers Poliphile, & declairé qu’elle estoit totalement deliberee de luy estre courtoise & gracieuse pour l’aduenir, la Prieuse le fit comparoir deuant elle : & adonc il requit que son plaisir feust confermer & asseurer la bonne uolunté qu’ilz portoient l’un a l’autre. ”