Pierre de Ronsard

“ Du soin de l'aduenir ton cœur ne soit espoint,
Ains content du present ne te tourmente point
Des mondaines faueurs qui ne dureront point
Sans culbuter à terre.
Plus tost que les buissons les Pins audacieux,
Et le front des rochers qui menace les Cieux,
Plus tost que les cailloux abbaissez à nos yeux,
Sont frappez du tonnerre. ”

“ Sinon de nous ennuyer ?
Et soin dessus soin accrestre,
A nous, qui serons peut-estre,
Ou ce matin, ou ce soir,
Victime de l’Orque noir ?
De l’Orque qui ne pardonne,
Tant il est fier à personne ? ”

“ Amour n’a point de loy :
A sa Diuinité
Conuient l’infinité.
En vous baisant Maistresse,
Vous m’auez entamé
La langue chanteresse
De vostre nom aime.
Quoy ? est-ce là le prix
Du trauail qu’elle a pris ? ”

“ Les portes de l’an nouueau.
Toy vieillard, dont la main serre
Sous ta clef ce que la terre
De siecle en siecle produit,
Ouure l’huys à la Nature,
Pour orner de sa peinture
Les champs de fleurs & de fruict. ”

“ LEs douces fleurs d'Hymette aux Abeilles agréent,
Et les eaux de l'Esté les alterez recréent:
Mais ma peine obstinée
Se soulage en chantant sur ce bord foublement
Les maux ausquels Amour a miserablement
Soumis ma destinée. ”

“ De brauer l’Enfer odieux,
Et de sçauoir la courbe trace
Des feux qui dancent par les Cieux :
Donne nous encor la puissance
D’arracher les ames dehors
Le sale bourbier de leurs corps,
Pour les re-ioindre à leur naissance. ”

“ Que la vie soit mieux voulue.
Ainsi que les champs tapissez
De pampre, ou d’espics herissez
Desirent les filles nues
Apres les chaleurs suruenues,
Ainsi la France t’attendoit,
Douce nourriciere des hommes,
Douce rosee qui consommes
La chaleur qui trop nous ardoit. ”

“ Par eux la Parque est deuancée,
Ils fuyent l’eternelle nuit,
Tousiours fleurissant par le fruit
Que la Muse ente en leur pensée :
Le temps qui les suit de bien loin,
En est aux peuples le tesmoin. ”

“ Du Lion qui l’emporte.
A la fin la main forte
Du grand Montmorenci
Rendra ta gloire morte,
Et ta malice außi :
Le Ciel le veut ainsi,
Qui ma bouche a contrainte
Prophetiser ceci
Pour t’auancer la crainte. ”

“ Des bandes d'horreur les plus pleines,
Tu sembleras à quelque Dieu
Qui prend soin des guerres humaines:
Et mariant à tes beaux faits
Fortune & Vertu ta compagne,
Veinqueur en-ioncheras espais
De corps morts toute la campagne. ”

“ Ou soit par des nombres qui glissent
De pas tous francs & déliez :
C’est luy qui honore & qui prise
Ceux qui font l’amour aux neufs Sœurs,
Et qui estime leur douceurs,
Et qui conduit leur entreprise. ”

“ D’auoir preueu l’incertain.
Mesmes c’est le tout que d’estre
Des mains aux armes adestre,
Qui doiuent meurdrir la face
De l’aduersaire odieux,
Et qui font au veinqueur place
Au plus haut siege des Dieux. ”

“ Commande à la neceßité
Ployant sous ton obeyssance :
Les hommes sentent ta puissance
Allechez de ton doux repos :
De l’air la vagabonde troupe
T’obeyst, & celle qui coupe
De l’eschine l’azur des flots. ”

“ La bride de son nauire :
Par art plaide l’Orateur,
Par art les Rois sont guerriers,
Par art se font ouuriers :
Telle humaine experience
Des autres soit le labeur,
Sans plus ma sainte fureur
Polira vostre science. ”

“ Pardon de m’auoir laissé.
Car en lieu de six adonques
I’en demanderay plus qu’onques
Tout le Ciel d’estoiles n’eut,
Plus que d’arene poussée
Aux bords quand l’eau courroussée
Contre les riues s’esmeut. ”

“ Qui ja du Bellay tenoit pris.
Mortes sont les fiéures cruelles
Qui rongeoyent ses cheres moüelles:
Son œil est maintenant pareil
Aux fleurs que trop les pluyes baignent
Enuieuses de leur vermeil,
Qui plus gaillardes se repeignent
Aux rayons du nouueau Soleil. ”

“ Bien que tes freres & toy
La terre ayez departie,
Et qu'aisné tu ne sois Roy
Que de la moindre partie:
Le Ciel pourtant a voulu
Que sur toutes tu la prinses,
Et la prenant t'a esleu
Le Seigneur des autres Princes. ”

“ MIgnonne, allons voir si la Rose
Qui ce matin auoit desclose
Sa robe de pourpre au Soleil,
A point perdu ceste vesprée
Les plis de sa robe pourprée,
Et son teint au vostre pareil.
Las ! voyez comme en peu d’espace,
Mignonne, elle a dessus la place
Las las ses beautez laissé cheoir !
O vrayment marastre Nature.
Puis qu’vne telle fleur ne dure
Que du matin iusques au soir !
Donc, si vous me croyez Mignonne,
Tandis que vostre âge fleuronne
En sa plus verte nouueauté,
Cueillez cueillez vostre ieunesse :
Comme à ceste fleur la vieillesse
Fera ternir vostre beauté. ”

“ Antistro.
Par ta vertu le Monde
A peu sentir combien
La France en gloire abonde
Faite heureuse en ton bien :
Par toy reuient l’vsage
Des outils & compas,
Que mesme le vieil âge
Des Romains ne sceut pas. ”

“ De nos Dieux augmenta la trope,
On vit autour de son berceau
Se battre l’Afrique & l’Europe.
L’Afrique auoit le poil retors
A la Moresque crespelée,
Les léures grosses aux deux bords,
Les yeux noir, la face halée. ”

“ C’est luy que la saincte balance
Cognoist, & qui ne bas ne haut,
Iuste, son poids douteux n’eslance,
La tenant droite comme il faut :
C’est luy dont l’œil non variable
Note les meschans & les bons,
Et qui contre le heurt des dons
Oppose son cœur imployable. ”

“ Et depuis s’est planté là.
Donques Prelat de bon-heur,
Qui tiens le sommet d’honneur,
En qui nostre Roy contemple
Des vertus le vray exemple,
Sois content d’vn si grand bien,
Et ne souhaite plus rien. ”

“ Dessous le ioug d’vn doux souci :
Il le merite, ma mignone.
Nul tant que luy n’est honorant
Les vers dont tu vas redorant
La gloire de ceux que ie sonne :
Il s’esgaye de tes chansons,
Et de ces nouuelles façons
Au parauant non imitables,
Qui font esmerueiller les tables,
Et les gros sourcis renfoncer
De ceste ialouse Ignorance,
Qui ose desia par la France
L’honneur de mes vers offenser. ”

“ Par la poincte de sa lance
Reseuilla l'honneur de France,
Lors que mattant la vertu
Du vieil Marquis combatu,
Trancha les peuples d'Espagne
L'vn desur l'autre ruez,
Pauant toute la campagne
D'hommes naurez & tuez. ”

“ Plustost que les feux ne s’eslancent,
Quand au Ciel les foudres nous tancent,
Ie courray dire aux estrangers
Combien l’effort de ta main dextre
Maniant le fer, est adextre
A briser l’horreur des dangers :
Et de quel soin prudent & caut
Ton peuple iustement tu guides,
Appris au mestier comme il faut
Luy lascher & serrer les brides. ”

“ L’Ire qui la beste eslance,
En vain irrita son cœur
Poussant son mufle en defence
Encontre ton bras veinqueur :
Car le fer prompt à l’abbatre
En son ventre est ia caché,
Et ia trois fois voire quatre
Le cœur luy a recherché. ”

“ De nos Françoises cohortes,
Soit qu'ils aiment vos vertus.
Là donq Princesses diuines,
Race ancienne des Dieux,
Ne souffrez que vos poitrines
Des vertus soient orfelines:
C'est le vray chemin des Cieux. ”

“ Qui me fais sans cesse
Fol comme ie suis.
Dedans le ventre auant que né ie fusse,
Pour t’honorer tu m’auois ordonné :
Le Ciel voulut que ceste gloire i’eusse
D’estre ton chantre auant que d’estre né. ”

“ D’Eson la ieunesse passée :
Et l’herbe forte qui changea
Glauce si tost qu’il la mangea,
Le faisant immortel d’vn homme :
Qui par la mer entre les Dieux
Ne craint que le temps odieux
Le nombre de ses ans consomme. ”

“ Ny qu’on y verse des odeurs :
Mais tandis que ie suis en vie,
I’ay de me parfumer enuie,
Et de me couronner de fleurs.
De moy-mesme ie me veux faire
L’heritier pour me satisfaire :
Ie ne veux viure pour autruy. ”

“ Vn Démon les accompaigne
Par-sur tous le mieux instruit,
Qui en songes toute nuit
Sans nul trauail les enseigne,
Et demy-dieu ne desdeigne
De les aller informant,
A fin que l’homme en dormant
Toutes sciences appreigne. ”

“ Non, l’amour n’est point vilaine
Que maint braue Capitaine,
Maint Philosophe & maint Roy
A trouué digne de soy.
Hercule dont l’honneur vole
Au Ciel aima bien Iole,
Qui prisonniere dontoit
Celuy qui son maistre estoit. ”

“ Faire ceste Vierge mere,
Qui doit vn iour enfanter
Vn fils plus grand que son pere,
Fils qui donnera ses lois
Soit en paix, ou soit en guerre,
Aux tourbes des autres Rois
Qui sous luy tiendront la terre. ”

“ Si bien les corps qui sont las,
Comme la loüange douce
Nous soulage, que du pouce
Faisons sur le luth courir,
Par qui les playes de l’ame
( Lors qu’vn desplaisir l’entame)
Nous oignons pour la guerir. ”

“ Imitateur des Dieux, qui la petite offrande
Prennent d’außi bon cœur qu’ils prennent la plus grande,
Et bien qu’ils soient Seigneurs, iamais n’ont à mespris
Des pauuvres les preseus tant soient de petit prix. ”

“ Le Ciel ne deuoit pas
Pardonner à ta lasche teste,
Ains il deuoit de sa tempeste
L’acrauanter là bas.
La Terre mere encor’ pleurante
Des Geans la mort violante
Bruslez du feu des Cieux,
(Te laschant de son ventre à peine)
T’engendra vieille, pour la haine
Qu’elle portoit aux Dieux. ”

“ Et tousiours n'acheter auecques la main pleine
Ou la medale morte ou la peinture vaine:
Mais il fait par bien-faits & par caresse d'yeux
Tirer en ta maison les ministres des Dieux
Les Poêtes sacrez, qui par leur escriture
Te rendront plus viuant que maison ny peinture.
Entre lesquels (mon Roy) de si peu que ie puis,
Ton deuôt seruiteur dés enfance ie suis,
Comme le nourisson de ta grandeur prospere,
Qui seule m'a nourry, mes freres, & mon pere. ”

“ SOuuentefois nous auons faute
Soit de biens soit de faueur haute,
Selon que l'Astre nous conduit:
Mais tousiours tandis que nous sommes
Ou morts ou mis au rang des hommes,
Nous auons besoin de bon bruit. ”

“ Vne Ode pour la fredonner
Dessus la mieux parlante corde
Que Phœbus t’ait voulu donner,
Afin de la pouuoir sonner
Si doucement qu’elle contante,
Et puisse le soin destourner
Qui mord vne royale tante. ”

“ Rauy d’esprit m’amuses :
Toy qui fais qu’à toutes les fois
Me respondent les Muses :
Toy par qui de l’importun soin
Tout franc ie me deliure,
Lors qu’en toy ie me pers bien loin,
Parlant auec vn liure. ”

“ L’or tant laborieux :
Et la gemme peschée
En l’Orient si cher,
Chez toy ne soit cherchée
Par l’auare nocher :
L’Inde pourtant ne pense
Te veincre : car les Dieux
D’vne autre recompense
Te fortunent bien mieux. ”

“ Le peuple ne sçait point s'ils ont vescu ou non.
Ce n'est rien (mon grand Roy) d'auoir Bolongne prise,
D'auoir iusques au Rhin l'Allemagne conquise,
Si la Muse te fuit, & d'vn vers solonnel
Ne te fait d'âge en âge aux peuples eternel. ”

“ A grand' peine auoit-il dit,
Qu'ardant d'approcher s'amie,
De son throne descendit
Pres de la Nymphe endormie:
Et comme vn Dieu qui sentoit
D'amour la poignante rage,
A la force s'apprestoit
De rauir son pucellage. ”

“ Qui meurt incontinent.
Voila les vers tragiques & la plainte
Qu'au Ciel tu enuoyras,
Tout außi tost que ta face dépainte
Par le temps tu voirras.
Tu sçais combien ardemment ie t'adore
Indocile à pitié,
Et tu me fuis & tu ne veux encore
Te ioindre à ta moitié. ”

“ Purgez-le de vostre saincte eau,
A fin que net il puisse prendre
Vn beau don dans vn beau vaisseau :
Et luy purgé, à l’heure à l’heure
Tout raui d’esprit chantera
Vn vers en fureur qui fera
Au cœur des hommes sa demeure. ”

“ Iamais à chanter ton los
Ie n'auray la bouche close,
Fußé-ie là bas enclos
Aux lieux où la Mort repose:
Tousiours ie diray ton nom,
Et mon ame vagabonde
Rien ne chantera sinon
Tes louanges par le monde. ”