Pierre de Ronsard

“ A SA LYRE.
Lyre dorée où Phebus seulement
Et les neuf Soeurs ont part également,
Le seul confort qui mes tristesses tue,
Que la danse oit, et toute s'évertue
De t'obeyr et mesurer ses pas
Sous tes fredons accordez par compas,
Lorsqu'on sonnant tu marques la cadance
De l'avant-jeu le guide de la danse.
Le traict flambant de Jupiter s'esteint Sous ta chanson, si ta chanson l'atteint; Et au caquet de tes cordes bien jointes, Son aigle dort sur la foudre à trois pointes, Abaissant l'aile : adonc tu vas charmant Ses yeux aigus, et luy en les fermant. ”

“ Certes celuy meurt bien qui meurt par fantasie,
Lors que l’ame amoureuse est tellement saisie,
Qu’en fuyant de son corps pour re-vivre autre part,
A son hoste laissé ses vertus ne depart :
Mais privé d’action demeure froid et palle,
Sans force et mouvement et sans humeur vitalle,
Comme un image fait de bronze ou de metal,
Qui (pour n’estre animé) ne sent ny bien ny mal.
Je ne voy rien icy que douleur ne m’ameine :
Le jour m’est ennuyeux, la nuict me tient en peine :
Et comme un ennemy tresdangereux je fuy
Le lict, qui toute nuict redouble mon ennuy. ”

“ Amour d’autre lien ne sçauroit me reprendre.
Ma flame est un sepulchre, et mon cœur une cendre,
Et par la mort je suis de la mort amoureux.
ELEGIE
Le jour que la beauté du monde la plus belle
Laissa dans le cercueil sa despouille mortelle
Pour s’en-voler parfaite entre les plus parfaits,
Ce jour Amour perdit ses flames et ses traits,
Esteignit son flambeau, rompit toutes ses armes,
Les jetta sur la tombe, et l’arrousa de larmes :
Nature la pleura, le Ciel en fut fasché
Et la Parque, d’avoir un si beau fil trenché. ”

“ Amour veut tout sans nombre, amour n’a point de loy.
Baize et rebaize moy ; belle bouche, pourquoy
Te gardes tu là bas, quand tu seras blesmie,
A baiser (de Pluton ou la femme ou l’amie)
N’ayant plus ny couleur, ny rien semblable à toy ?
En vivant presse moy de tes lèvres de roses ;
Bégaye, en me baisant, à lèvres demy-closes
Mille mots trançonnez, mourant entre mes bras.
Je mourray dans les tiens, puis, toy resuscitée,
Je resusciteray ; allons ainsi là bas,
Le jour tant soit-il court vaut mieux que la nuitée. ”

“ Hinne à la Nuit. [Texte de 1550 : Livre III, ix.]
Nuit, des amours ministre et sergente fidele
Des arrests de Venus, et des saintes lois d’elle.
Qui secrète acompaignes
L’impatient ami de l’heure acoutumée,
O l’aimée des Dieus, mais plus encore aimée
Des étoiles compaignes.
Nature de tes dons adore l’excellence.
Tu caches les plaisirs desous muet silence
Que l’amour jouissante
Donne, quand ton obscur étroitement assemble
Les amans embrassés, et qu’ils tumbent ensemble
Sous l’ardeur languissante.
Lors que l’amie main court par la cuisse, et ores
Par les tetins, ausquels ne s’acompare encores ”

“ Et ne fust que Tethys a pitié de la flame Qu'Amour luy verse au coeur, il fust ja consumé.
Mais pour remedier à son mal enflamé, Elle appelle la Nuit : adonc la Nuit detache, Ou semble detacher, le Soleil qu'elle cache En la mer, où Tethys refroidit sa chaleur.
Mais luy qui cache en l'eau sa contrainte douleur, S'enfuit de son giron la laissant endormie, Et dès l'aube à cheval retourne voir s'amie.
Aussi de son costé la Terre cognoist bien Que de telle amitié procede tout son bien : Pour ce, de mille fleurs son visage elle farde, Et de pareil amour s'échauffe et le regarde. ”

“ Miracle nous fist naistre une belle Isabeau,
Belle Isabeau de nom, mais plus belle de face,
De corps belle et d’esprit, des trois Graces la grace.
Le Printemps estonné, qui si belle la voit,
De vergongne la fiévre en son cœur il avoit :
Tout le sang luy bouillonne au plus creux de ses veines :
Il fist de ses deux yeux saillir mille fonteines,
Souspirs dessus souspirs comme feu luy sortoient,
Ses muscles et ses nerfs en son corps luy battoient :
Il devint en jaunisse, et d’une obscure nue
La face se voila pour n’estre plus cognue. ”

“ Discourant cent propos d’amour et de ma Dame :
D’un penser achevé l’autre soudain renaist,
Mon cœur d’autre viande en amour ne se paist :
Il mourroit sans penser, le penser est sa vie
Et ta douce beauté que seule j’ay suivie.
Ainsi par les deserts tout le jour je me deulx,
Puis quand l’obscure nuict se perruque de feux,
Le solitaire effroy hors des bois me retire,
Et jusques au logis Amour me vient conduire. ”

“ Dame, je ne vous donne rien :
Car tout le bien qui estoit nostre.
Amour dés le jour le fist vostre.
Que je receu dedans le cœur
Vostre nom et vostre rigueur :
Puis la chose est bien raisonnable.
Que la peinture resemblable
Au corps, qui languist en soucy
Pour vostre amour, soit vostre aussi.
Mais voyez comme elle me semble
Pensive, triste et palle ensemble,
Portraite de mesme couleur
Qu’Amour a portrait son seigneur !
Que pleust à Dieu que la Nature
M’eust fait au cœur une ouverture.
Afin que vous eussiez pouvoir
De me cognoistre et de me voir !
Làs ! ”

“ J'ay peur que vostre amour par le temps ne s'efface, Je doute qu'un plus grand ne gaigne vostre grace, J'ay peur que quelque dieu ne vous emporte aux cieux : Je suis jaloux de moy, de mon coeur, de mes yeux, De mon corps, de mon ombre, et mon ame est esprise De frayeur, si quelqu'un avecques vous devise.
Je ressemble aux serpens, qui gardent les vergers Où sont les Pommes d'or : si quelques passagers Approchent du jardin, ces serpens les bannissent, Bien que d'un si beau fruit eux-mesmes ne jouissent... ”

“ Ma douce Hélène, non, mais bien ma douce haleine,
Qui froide rafraischis la chaleur de mon cœur,
Je prens de ta vertu cognoissance et vigueur,
Et ton œil comme il veut à son plaisir me meine.
Heureux celuy qui souffre une amoureuse peine
Pour un nom si fatal : heureuse la douleur,
Bien-heureux le torment qui vient pour la valeur
Des yeux, non pas des yeux, mais de l’astre d’Helene. ”

“ Hé bon jour ma toute belle,
Ma mignardise bon jour,
Mes delices, mon amour.
Mon doux printemps, ma douce fleur nouvelle,
Mon doux plaisir, ma douce colombelle,
Mon passereau, ma gente tourterelle,
Bon jour ma douce rebelle.
Je veux mourir, si plus on me reproche
Que mon service est plus froid qu’une roche
T’abandonnant, ma maistresse,
Pour aller suyvre le Roy,
Mendiant je ne sçay quoy,
Que le vulgaire appelle une largesse.
Plustost perisse honneur, court, et richesse,
Que pour les biens jamais je te relaisse,
Ma douce et belle Déesse. ”

“ Or, pour ce que les Muses ne veulent loger en une ame si elle n'est bonne, saincte et vertueuse; tu seras de bonne nature, non meschant, refrongné, ne chagrin ; mais, animé d'un gentil esprit, ne laisseras rien entrer en ton entendement qui ne soit surhumain et divin. Tu auras en premier lieu les conceptions hautes, grandes, belles, et non traînantes à terre. Car le principal poinct est l'invention, laquelle vient tant de la bonne nature, que par la leçon des bons et anciens autheurs. Et si tu entreprens quelque grand oeuvre, tu te monstreras religieux et craignant. ”

“ Font aux hommes sans moy tous les jours un Printemps :
Et mesme le Soleil plus longuement retarde
Ses chevaux sur la terre, afin qu’il la regarde :
Il ne veut qu’à grand peine entrer dedans la mer,
Et se faisant plus beau fait semblant de l’aimer.
Elle m’a desrobé mes graces les plus belles,
Mes œillets et mes liz, et mes roses nouvelles,
Ma jeunesse, mon teint, mon fard, ma nouveauté,
Et diriez en voyant une telle beauté,
Que tout son corps ressemble une belle prairie
De cent mille couleurs au mois d’Avril fleurie. ”

“ Mon GALLAND, tous les arts appris dès la jeunesse Servent à l'artizan jusques à la vieillesse, Et jamais le mestier en qui l'homme est expert, Abandonnant l'ouvrier, par l'âge ne se pert.
Bien que le philosophe ait la teste chenue, Son esprit toutefois se pousse outre la nue : Plus le corps est pesant, plus il est vif et pront, Et forçant sa prison s'envole contre-mont. L'orateur qui le peuple attire par l'aureille, Celuy qui, disputant, la vérité reveille, Et le vieil medecin, plus il court en avant, Plus il a de pratique, et plus devient sçavant. ”

“ Je n’ay plus que les os, un Squelette je semble,
Decharné, denervé, demusclé, depoulpé,
Que le trait de la mort sans pardon a frappé,
Je n’ose voir mes bras que de peur je ne tremble.
Apollon et son fils, deux grans maistres ensemble,
Ne me sçauroient guerir, leur mestier m’a trompé :
Adieu plaisant Soleil, mon œil est estoupé,
Mon corps s’en va descendre où tout se desassemble.
Quel amy me voyant en ce poinct despoûillé
Ne remporte au logis un œil triste et mouillé,
Me consolant au lict et me baisant la face,
En essuiant mes yeux par la mort endormis ?
Adieu chers compagnons, adieux mes chers amis, ”

“ Comme le poëte nous peint le vol de ce gentil oiseau qui secoue la rosée dès l'aube, et, s'enlevant droit en haut, va s'essuyer près de la nue ! La descente de l'alouette, comparée à la chute de la fusée, offre une image aussi fidèle que gracieuse; et la jeune fille, dont le front penche sous le sommeil ou se détourne soudain à la vue de l'amant aimé, est un épisode d'un effet délicieux. ”

“ La grace dans sa fueille, et l’amour se repose,
Embasmant les jardins et les arbres d’odeur :
Mais batue ou de pluye, ou d’excessive ardeur,
Languissante elle meurt fueille à fueille déclose :
Ainsi en ta premiere et jeune nouveauté,
Quand la terre et le ciel honoraient ta beauté,
La Parque t’a tuée, et cendre tu reposes.
Pour obseques reçoy mes larmes et mes pleurs,
Ce vase plein de laict, ce panier plein de fleurs,
Afin que vif, et mort, ton corps ne soit que roses. ”

“ Donne moy tes presens en ces jours que la Brume
Fait les plus courts de l’an ou de ton rameau teint
Dans le ruisseau d’Oubly dessus mon front espeint,
Endor mes pauvres yeux, mes goutes et mon rhume.
Misericorde ô Dieu, ô Dieu ne me consume
A faute de dormir : plustost sois- je contreint
De me voir par la peste ou par la fiévre esteint,
Qui mon sang deseché dans mes veines allume.
Heureux, cent fois heureux animaux qui dormez
Demy an en vos trous, soubs la terre enfermez,
Sans manger du pavot qui tous les sens assomme :
J’en ay mangé, j’ay beu de son just oublieux
En salade, cuit, cru, et toutefois le somme ”

“ Donne que de son sang il enyvre la terre, Et que ses compagnons au milieu de la guerre Renversez à ses pieds, haletans et ardens, Mordent dessur le champ la poudre entre leurs dens, Estendus l'un sur l'autre, et que la multitude Qui s'asseure en ton nom, franche de servitude, De fleurs bien couronnée, à haute voix, Seigneur, Tout à l'entour des morts celebre ton honneur, Et d'un cantique sainct chante de race en race Aux peuples à venir tes vertus et ta grace. ”

“ En hyver je m'endors, sans me donner esmoy
Du froid, car la froideur ne vient pas jusqu'à moy.
Mais cependant qu'en vain je chante ma Janette, Vesper reluit au ciel d'une clarté brunette ; Le temps coule si tost que je ne le sens point; Le soleil est couché : mais l'ardeur qui me poingt Ne se couche jamais, et jamais ne s'alente, Donnant treve à mon coeur, tant elle est violente. ”