Auteurs du Moyen Âge

“ Si n’a pas à m’amor failli,
Et après moi sera tout sien ;
Je la voudrai marier bien ;
325Ne sai prince dedenz cest raine,
Ne de ci jusqu’en Loheraine,
Qui tant soit preudom et senez
Ne fust en li bien assenez. ”

“ Mesires Guillaumes [22] errant ;
Lors maine joie molt très grant
Por ce que ses oncles a dit
500Que il aura, sanz contredit,
A fame cele qu’il desirre ;
Autre joie ne veut eslire [23] .
Espris de joie molt forment
S’en ala au tournoiement
505Com cil qui coustumiers en ert.
Et lendemain, quand jors apert.
Monta ses oncles, lui septime.
Et vint devant eure de prime
Là où li anciens manoit.
510Qui riches manssions tenoit.
Et qui pères ert à celi
Qui a biauté n’ot pas failli. ”

“ « Sire, fet-il, sanz contredit
575La vous donrai molt volentiers,
Quar preudom estes et entiers.
Liéz sui quant le m’avez requise ;
Qui le meillor chastel de Frise
Me donast, n’éusse tel joie.
580A nului. Sire, ne tendoie
Si de cuer de son mariage
Comme à vous ; quar preudomme [25] et sage
Vous ai en trestoz poins trouvé
Que j’ai vostre afère esprové. »
585Lors a fiancie et plevie
Celi qui n’a de lui envie,
Et qui cuidoit autrui avoir.
Quant la pucèle en sot le voir,
S’en fu dolente et esmarie ”