Robert d’Orbigny

“ A Naples, a la cité bele,
est de lui venue novele
c'arivé sont lié et joiant,
ce dïent cil qui vont devant.
Cil de la vile encontre vont,
a l'encontrer grant joie font.
Tot se font lié de lor amis
c'arivé sont en lor païs. ”

“ Çou ert avis qui l'esgardoit
que a ses ieus n'aperceüst,
fors as larmes, que tristre fust.
Sa face de color tres fine,
plus clere que nen est verrine.
Et les narines ot bien faites,
coom se fuissent as mains portraites.
Bouce bien faite par mesure,
ainc ne fist plus bele Nature. ”

“ La car avoit assés plus blance
que n'est nule flors sor la brance.
Le cors a tel et si bien fait
que s'on l'eüst as mains portrait,
grailles les flans, basse le hance.
Molt li siet bien sa destre mance. ”

“ Et es estages cambres a
dusc'a set vins ; ja ne verra
nus hom morteus plus delitable :
li piler sont trestout de marbre
et de plaitoine est la closure,
d'un arbre cier qui tostans dure ;
de myrre et aussi de benus
sont les fenestres tot li plus.
Tot çou fist querre a grant travail
por metre en sa tor l'amirail,
car la u est, serpens ne wivre
n'autre vermine n'i puet vivre. ”

“ Trestoutes celes qui i sont
deus et deus son service font,
iceles deus que il eslit,
a son lever et a son lit ;
l'une sert de l'eve doner
et la touaile tient son per.
Les gardes qui en la tor sont
les genitaires pas nen ont. ”

“ L'ostesse l'a bien regardé,
du jeute a son signor bouté :
"Sire, fait ele, avés veü
com cius enfes s'a contenu ?
Son mangier laist por le penser,
sovent le voi molt souspirer.
Par mon cief, n'est pas marceans,
gentius hom est, el va querans." ”

“ Grailles par flans et grans par pis,
la car blance com flors de lis,
bras ot cras, mains blances com nois.
Je ne cuit que voiés des mois
nisun plus bel de son eage,
plus fort, plus vaillant ne plus sage. ”